Biełaruś u im zaniała 146 miesca sa 167. Pa zaniatym miescy pazicyja navat palepšyłasia na dva radki ŭ paraŭnańni ź minułym hodam. Adnak pry hetym indeks demakratyi ŭ krainie za apošni hod źniziŭsia z 2,59 da 2,41.
U apošnija hady Biełaruś kankuryruje ŭ hetym rejtynhu z afrykanskimi krainami, takimi jak Sudan i Hvinieja. Pavodle indeksu demakratyi, Biełaruś abyšli nie tolki susiedzi (Ukraina — 86 miesca, Rasieja — 124 miesca), ale i takija krainy Centralnaj Azii, jak Kyrhyzstan i Kazachstan.
Zhodna z hetym rejtynham, demakratyjami ličacca krainy, jakija majuć adznaku vyšejšuju za 6 bałaŭ.
Pieršaje miesca ŭ rejtynhu sioleta zaniała Narviehija (9,75 bała), za joj iduć Novaja Ziełandyja (9,37), Finlandyja (9,27), Šviecyja (9,26), Isłandyja (9,18) i Danija (9,09).
Pavodle źviestak EUI, tolki 45,7 adsotka nasielnictva płaniety žyvie ciapier u demakratyčnych dziaržavach. U 2021 hodzie indeks demakratyi pavodle hetaj viersii znoŭ apuściŭsia da rekordna nizkaj adznaki z 2006 hoda, kali daśledavańni stali pravodzica. Hodam raniej u demakratyjach žyli jašče 49,4 adsotka suśvietnaha nasielnictva.
Pry hetym tolki 6,4 adsotka ludziej žyvuć u «paŭnavartasnych demakratyjach», u lik jakich uvachodziać bolšaść krain Jeŭrasajuza.
