Bieśpiłotnik, jaki nibyta zalacieŭ na terytoryju Biełarusi z ukrainskaha boku 10 dzion tamu
«Na źmienu mifičnym «tonam zbroi» pryjšli «bieśpiłotniki». Ukraina nie vykarystoŭvała BPŁA. Zaklikajem Minsk nie padyhryvać destabilizacyjnym dziejańniam Rasii. Spakoj na miažy Biełarusi i Ukrainy ŭ intaresach usiaho rehijona», — napisaŭ u Twitter śpikier ukrainskaha MZS Aleh Nikalenka.
U toj ža čas prapahandysckija kanały apublikavali fota bieśpiłotnika, jaki nibyta zalacieŭ z Ukrainy 24 studzienia.
Bieśpiłotnik, pavodle źviestak MZS Biełarusi, byŭ zafiksavany ŭ pavietranaj prastory našaj krainy dziesiać dzion tamu.
«Na asnovie analizu danych bartavoj aparatury dakładna ŭstanoŭlena, što jon byŭ zapuščany z terytoryi Ukrainy ŭ metach praviadzieńnia nielehalnaj raźviedvalnaj dziejnaści nad vajennym palihonam «Brescki», — zajavili ŭ MZS.
MZS zajaviŭ pratest z-za zapusku ŭkrainskaha bieśpiłotnika na terytoryju Biełarusi.
Siońnia ŭ Biełaruś pryjechaŭ ministr abarony Rasii Šojhu.
