Adkaz znachodzim na tym ža sajcie, pierašoŭšy pa spasyłcy na «Statystučnuju mapu 2020 hoda», jakaja adlustroŭvaje kolkaść niepasredna piedahohaŭ daškolnaj, ahulna-siaredniaj, profilna-techničnaj, siarednieśpiecyjalnaj i vyšejšaj adukacyi — usich piedahohaŭ Respubliki Biełaruś.
Zastajecca skłaści ličby pa stupieniach adukacyi i abłaściach, atrymlivajem 191 046 čałaviek.
Kali z 430 tysiač niepasredna ź dziećmi (ad sadka da VNU) pracuje 191 tysiača supracoŭnikaŭ, to amal 240 tysiač «rabotnikaŭ sistemy adukacyi» — chto hetyja ludzi?
«Naša Niva» źviarnułasia ŭ pres-słužbu Ministerstva adukacyi. Tam ličby paćvierdzili. Na pytańnie: «Čym 240 tysiač supracoŭnikaŭ, niedatyčnych da pracesu adukacyi, zajmajucca?», adkazali, što heta «usie astatnija, naprykład, niani ŭ sadkach».
Taksama adznačyli, što techničny piersanał škoł u lik «rabotnikaŭ sistemy» nie ŭvachodzić.
«Niepasredna ŭ Ministerstvie pracuje 113 čałaviek,» — tłumačać u pres-słužbie, a voś u abłasnych i rajonnych adździełach adukacyi «150 tysiač budzie, a moža, i bolš».
Heta mienavita tyja ludzi, jakija raspracoŭvajuć mietadyčnuju i narmatyŭnuju bazu (naprykład, uzor podpisu rabočych sšytkaŭ, kolkaść radkoŭ pamiž rabotami ci navat maksimalnuju vyšyniu kvietak u kabinietach) dy, hałoŭnaje, ździajśniajuć pravierki.
Ciapier ich budzie i jašče bolej: z 2 lutaha 2022 hoda pačynaje dzijničać novaja struktura — «Nacyjanalnaje ahienctva pa zabieśpiačeńni jakaści adukacyi», jakoje ŭznačaliła Volha Rybaklučava (vypusknica akademii MUS i byłaja śledčaja Zavodskaha RAUS Minska).
Čarhovaja novaŭtvoranaja struktura, jak zaznačajecca, budzie sačyć za vykanańniem novaha Kodeksa ab adukacyi i spryjać «pavyšeńniu jakaści adukacyi».