Fota: depositphotos.com.
Dźvie treci hramadzian Rumynii vystupajuć za abjadnańnie z Małdovaj. Pra heta piša vydańnie anticoruptie.md sa spasyłkaj na daśledavańnie INSCOP Research.
Zhodna ź im, 74,5% apytanych rumynaŭ padtrymlivajuć abjadnańnie, a 21,1% hramadzian vystupajuć suprać jaho. Astatnija respandenty jašče nie vyznačylisia sa svaim mierkavańniem.
Apytańnie taksama pakazała, što prykładna 70% žycharoŭ Rumynii padtrymlivajuć členstva krainy ŭ ES. Za vychad krainy ź ES vystupajuć 25% rumynaŭ.
Cikava, što ŭ samoj Małdovie staviacca da abjadnańnia z Rumynijaj skieptyčna. Zhodna z apošnimi apytankami, abjadnańnie padtrymlivajuć 35% hramadzian Małdovy, ale suprać jaho vystupaje amal pałova małdavan — 47,2%. Jość i tyja, chto nie vyznačyŭsia sa svaim mierkavańniem, ich 9,1%.
Rumynija paśla ŭvachodžańnia ŭ Jeŭrasajuz i NATA pieražyvaje ekanamičny bum. U krainie, jakaja na vychadzie z sacyjalizmu była adnoj z najbiadniejšych, ciapier siarednija zarobki «čystymi» nabližajucca da 800 jeŭra. A pa pamiery VUP na dušu nasielnictva Rumynija abahnała Biełaruś užo bolš jak u dva razy.