Fota: HayDmitriy / depositphotos.com
Možna hanarycca, možna zajzdrościć, ale PVT, jak i ŭ cełym IT- halina ŭ biełaruskaj ekanomicy — vidavočna važny elemient. A ŭ apošni čas jašče i adzin ź niešmatlikich drajvieraŭ rostu, jakija jašče zastalisia. Tak, rost VUP za 2021 hod u 2,3% byŭ na 0,7 pracentnych punktaŭ zabiaśpiečany śfieraj infarmacyi i suviazi.
Da pytańnia ab karyści i škodzie, jakija niasie PVT, možna padychodzić z roznych bakoŭ. Pryčym «škodu» hetaj śfiery ekanomiki acanić składana, bo padychodzić davodzicca ź liniejkaj sa škałoj «dobranadziejnaści».
A voś karyść kudy bolš vymiaralnaja. Akramia rostu ekanomiki i pryciahnieńnia zamiežnaj valuty ŭ krainu, halina prynosić važkija biudžetnyja pastupleńni.
Tak, za minuły hod adnyja tolki rezidenty PVT papoŭnili biudžet na 736 młn rubloŭ. Heta bolš płaciažoŭ u biudžet ad sielskaj haspadarki (682 młn rubloŭ) abo śfiery hramadskaha charčavańnia (184 młn rubloŭ).
Pry hetym suma płaciažoŭ u biudžet, vypłačanych u cełym śfieraj infarmacyi i suviazi, za minuły hod skłała rekordnyja 2,3 młrd rubloŭ, što pieravysiła anałahičnyja płaciažy śfiery budaŭnictva (1,8 młrd) abo finansavaj i strachavoj dziejnaści (1,2 młrd).
Ci hatovyja ŭłady stracić taki drajvier ekanomiki, padvysiŭšy ŭzrovień jaho «dobranadziejnaści» — pytańnie adkrytaje. Tolki voś usiedzieć na dvuch kresłach adrazu, nie straciŭšy padatkovych pastupleńniaŭ i adnačasova prymusiŭšy kaštoŭnyja kadry pracavać «na karyść dziaržavy», naŭrad ci atrymajecca.
Čytajcie taksama:
Łukašenka zadumaŭsia nad losam Parka vysokich technałohij
«Halina ściskajecca, Jančeŭski ŭłahodžvaje siłavikoŭ». Mierkavańnie Arcioma Harbaceviča pra situacyju ŭ biełaruskim IT-siektary
