Jak vynikaje z materyjałaŭ spravy, chłopiec uziaŭ na prakat elektrasamakat i vyrašyŭ pakać svajho siabra, adnak parušyŭ praviły biaśpieki.
Na ŭčastku tratuara z boku praśpiekta Niezaležnaści ŭ kirunku vulicy Filimonava małady čałaviek nie spraviŭsia ŭ kiravańniem, samakat pierakuliŭsia. Siabar atrymaŭ šmatlikija paškodžańni, u tym liku zakrytuju čerapna-mazhavuju traŭmu. U balnicy jon pamior.
Chłopca, jaki kiravaŭ samakatam, ciapier buduć sudzić (č. 1 art. 144 KK), jamu pahražaje pakarańnie ŭ vyhladzie vypraŭlenčych parc terminam na dva hady, abo «chimija» da troch hod, abo pazbaŭleńnie svabody na taki ž termin. Spravu nakiravali ŭ sud, abvinavačany pakul na svabodzie, pad padpiskaj ab niavyjeździe i naležnych pavodzinach.