Fota ilustracyjnaje, adameq2 / depositphotos.com
«Padčas vykanańnia płanavych palotaŭ ekipažam viertalota Mi-24 byli vyjaŭlenyja niepaładki ŭ pracy siłavoha ahrehata borta. Ekipaž pryniaŭ rašeńnie zrabić vymušanuju pasadku na niepadrychtavanuju placoŭku», — havorycca ŭ paviedamleńni Ministerstva abarony.
Ekipaž u vyniku incydentu nie paciarpieŭ, pravodzicca rasśledavańnie.
Jak paviedamlaje partał «Elektronny Salihorsk», zdareńnie adbyłosia pablizu vioski Hock Salihorskaha rajona. Vidavočcy paviedamili vydańniu, što ŭviečary byŭ čutny roŭ matora, viertalot kružyŭ nad Hockam, a potym upaŭ:
— Siońnia ŭviečary byŭ čutny huk matoru, viertalot usio kružlaŭ, kružlaŭ nad Hockam, a potym upaŭ. Miarkuju, što heta byŭ vajskovy viertalot, ale dakładna nie skažu.
— Žyvu ŭ Hocku, tak, huł čuŭ, ale jak jon padaŭ — nie bačyŭ. Moža, vietram jakim źniesła, zavirucha takaja.
— Lacieŭ nizka nad vioskaj, jašče dumali, a čaho ž tak nizka? Ale lotčyk advioŭ jaho ad nasielenaha punkta i viertalot upaŭ u pole,
— tak havaryli śviedki.
