«Rejtynh Łukašenki składaje 25—30% i zastajecca na tym ža ŭzroŭni ŭžo paŭtara hoda, — kamientuje kiraŭnik biełaruskaha prajektu Chatham House Ryhor Astapienia. — Heta źviazana z tym, što jon mabilizavaŭ usich svaich prychilnikaŭ. Hrupa, jakaja składaje prykładna 30% ad biełaruskaha hramadstva, zastajecca viernaj tamu, što jana robić».
Sacyjołah pryznaje, što mierkavańnie, nibyta dziejańni ŭłady vykličuć rasčaravańnie siarod prychilnikaŭ Łukašenki, mahło być pamyłkovym.
«Represii i hvałt nie paspryjali tamu, kab prychilnikaŭ Łukašenki stała mienš», — kanstatuje Ryhor Astapienia.
Kali prychilniki ŭłady kansalidavanyja vakoł fihury Łukašenki, to tak zvany demakratyčny elektarat padzieleny siarod niekalkich palitykaŭ.
Za Viktara Babaryku hatovyja hałasavać 25—30% vybarcaŭ, u Paŭła Łatuški i Śviatłany Cichanoŭskaj na siońnia — kala 10—13%.
«Ahulny elektarat u demakratyčnych palitykaŭ bolšy, čym u Łukašenki», — dapaŭniaje sacyjołah.
Kiraŭnik biełaruskaha prajekta Chatham House źviartaje ŭvahu, što 22% apytanych uvohule nie bačać fihur, jakija mahli b pretendavać na toje, kab stać prezidentam Biełarusi: «Heta tak zvanyja niejtrały, niejtralnaja častka hramadstva», — padkreślivaje Ryhor Astapienia.
Taksama ŭ biełarusaŭ spytali, za kaho jany nie prahałasujuć na prezidenckich vybarach ni ŭ jakim razie.
Ni ŭ jakim razie nie prahałasavali b za Łukašenku 46% apytanych, za Cichanoŭskuju — 41%, za Babaryku — 24%. Uznačaliŭ ža antyrejtynh Juryj Vaskrasienski: jaho nie chočuć bačyć u jakaści prezidenta 67%.
Sacyjołah: Refierendum moža navat pavialičyć sacyjalnuju napružanaść. U ludziej jość adčuvańnie, što ich iznoŭ padmanuć
