Fota: liberiamolitalia / Facebook

Fota: liberiamolitalia / Facebook

Hramadski ruch «Vyzvalim Italiju», jaki abjadnoŭvaje praciŭnikaŭ vakcynacyi, taksama apublikavaŭ paviedamleńnie pra śmierć Maryli, ale pra pryčynu śmierci nie zhadvaje.

Rasijskaja «Novaja hazieta», paviedamlajučy pra heta, zhadvaje i inšyja vypadki śmierci ad karanavirusa viadomych antyvaksieraŭ u roznych krainach śvietu.

Tak, u ZŠA ŭ śniežni pamior ad COVID-19 kiraŭnik amierykanskaj telesietki Daystar Television Network Markus Łemb. Mužčyna rehularna vystupaŭ suprać karanavirusnych abmiežavańniaŭ, a bolšuju častku efirnaha času na jahonym resursie atrymlivali praciŭniki vakcynacyi.

U vieraśni ad karanavirusa pamior adzin z samych viadomych praciŭnikaŭ vakcynacyi Izraila — Chaj Šaulan. U videa, apublikavanym pierad śmierciu, mužčyna raskazaŭ, što jon padłučany da ŠVŁ, mocna kašlaje i adčuvaje ŭdušša. «Jon byŭ ćviordy ŭ svajoj viery ŭ toje, što ŭ demakratyčnaj krainie jość mahčymaść kožnamu vybirać svoj šlach. I heta šlach, jaki jon abraŭ», — zajaviła siastra aktyvista.

U śniežni viadomy ŭ Italii praciŭnik vakcynacyi Łarenca Damijana trapiŭ u balnicu z COVID-19. Jon pierahledzieŭ svaje pohlady na vakcynacyju i antakaranavirusnyja abmiežavańni i zajaviŭ, što maje namier vakcynavacca ad COVID-19, zaklikaŭšy ŭsich taksama heta zrabić.

U Biełarusi ŭ listapadzie pamior ad karanavirusa viadomy televiadučy Siarhiej Filimonaŭ, jaki taksama byŭ aktyŭnym praciŭnikam vakcynacyi. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?