Pradstaŭnik niamieckaha Instytuta rekordaŭ zajšoŭ u hości da 55-hadovaha Tomasa i jaho žonki Siuzany, kab pierakanacca ŭ tym, što ŭsie zajaŭlenyja na papiery štučnyja drevy sapraŭdy jość u najaŭnaści. U vyniku kalekcyja była pryznanay novym suśvietnym rekordam, piša Deutsche Welle.
U minułym siezonie ŭ hetaj kvatery płoščaj kala 100 kvadratnych mietraŭ było ŭstanoŭlena 420 jołak. Upryhožvańni mianiajucca kožny hod. Pa słovach Tomasa Jaromina, ciapier na jołkach pastajanna haryć 47 tysiač lampačak.
Akramia prosta jarka ŭpryhožanych, jość u kalekcyi i tematyčnyja jełki: naprykład, ź piersanažami z «Zornych vojnaŭ» abo z humovymi kačačkami. Jołki z haryšča Tomas zaŭsiody dastaje zahadzia — užo 1 žniŭnia, bo, aproč inšaha, treba raźviesić 72 tysiačy šaroŭ. Samaja vialikaja jołka, pamieram 3,50 mietra, visić na stoli.
