Muž Paliny Andrej Šarenda źjechaŭ ad pieraśledu za miažu, dzieci žyvuć u Biełarusi z babulaj, faktyčna vysialajuć i ich, kaža Andrej.
«My apošnija 6 hod žyli ŭ kamiercyjnaj arendnaj kvatery, jakuju zdavaŭ harvykankam, raspavioŭ «Svabodzie» Andrej Panasiuk. — Hruba kažučy, zaklučajecca damova na doŭhi termin, na piać hod, na arendu kvatery i ty tam žyvieš, pryčym płaciš nie pa lhotnym u taryfie, jak dziaržava kaža, a pa koštach navat vyšejšych, čym na rynku, prynamsi my tak apošnim časam płacili.
I voś, jak ja daviedaŭsia, z 1 śniežnia ekstranym rašeńniem kiraŭnika harvykankama nas pazbavili prava na arendu i pryjšoŭ zahad pakinuć pamiaškańnie na praciahu niekalkich tydniaŭ. Dakładnaha terminu nie viedaju, biez pradastaŭleńnia inšaha žyłoha pamiaškańnia. Ja, žonka i dzieci byli tam prapisanyja i zarehistravanyja bolš za šeść hod.
U inšym miescy ciapier, naturalna, ni ja, ni Palina nie možam zarehistravacca. Takim sposabam jany pazbavili mianie, dziaciej i žonki rehistracyi ŭ Biełarusi, prapiski i častki hramadzianstva, možna i tak skazać. Tam pakul znachodziacca našy rečy, nie viedaju, kolki času nam dadaduć, kab vysielicca».
U rašeńni harvykankama ad 1 śniežnia, jakoje dasłali Andreju Panasiuku, paviedamlajecca pra skasavańnie rašeńnia harvykankama ad 2 listapada 2021 hoda nakont pradstaŭleńnia arendnaha žytła.
