Spravu znoŭ razhladaŭ sudździa Maksim Trusievič, jaki raniej užo dvojčy adpraŭlaŭ muža i žonku na «sutki». Na hety raz u Pieršamajskim RUUSie na mužčynu skłali pratakoł pa art. 24.3 KaAP (niepadparadkavańnie supracoŭnikam milicyi), paviedamlajuć pravaabaroncy.
Zhodna z pratakołam, Łojku 28 listapada pryvieźli ŭ RUUS dla «prafiłaktyčnaj hutarki», ale jon nibyta «admoviŭsia prajści ŭ 112 kabiniet, upiraŭsia i čaplaŭsia za adzieńnie milicyjanta». Alaksandr heta admaŭlaje i śćviardžaje, što na Akreścina jaho sustreŭ milicyjant, pryviez u RUUS, dzie jany padyšli da 112 kabinieta. Tam mužčynie dali padpisać pratakoł, ź jakim Łojka nie pahadziŭsia. Pry hetym Alaksandr adznačyŭ, što na Akreścina jaho nichto nie papiaredziŭ, što jaho viazuć ŭ RUUS na «prafiłaktyčnuju hutarku».
Śviedka-milicyjant na sudzie pierabłytaŭ svajo imia pa baćku. Sudździa Trusievič prapanavaŭ svajakam, jakija aburylisia pakazańniami śviedki, napisać zajavu ŭ RUUS, kali im padajecca, što śviedka chłusić.
Vynik — 15 sutak.
30 kastryčnika žurnalistku Irynu Słaŭnikavu i jaje muža Alaksandra Łojku supracoŭniki HUBAZiKa zatrymali pa prylocie ŭ Minsk ź Jehipta. Irynu paśla 30 «sutak» tak i nie vypuścili na volu — jana stała padazravanaj pavodle artykuła 342 Kryminalnaha kodeksa («arhanizacyja i padrychtoŭka dziejańniaŭ, jakija hruba parušajuć hramadski paradak abo aktyŭny udzieł u ich»).
