«Vyklikaje krajniuju zaniepakojenaść pravakacyjnaja palityka ZŠA i Jeŭrasajuza, jakaja śviadoma ŭmacoŭvaje ŭ Kijeva pačućcio ŭsiodazvolenaści i biespakaranaści. Padobnuju situacyju my nazirali ŭ Hruzii napiaredadni padziej 2008 hoda. Tady Michaił Saakašvili «sarvaŭsia z łancuha» i sprabavaŭ źniščyć rasijskich miratvorcaŭ i hramadzianskaje nasielnictva Paŭdniovaj Asiecii. Jamu heta doraha abyšłosia», — zajaviła viedamstva.
Viedamstva śćviardžaje, što «ahresiŭnaja prapahanda» z boku ZŠA stymuluje Kijeŭ da naroščvańnia vajskovaj hrupoŭki na Danbasie. Rasijskaje viedamstva śćviardžaje, što ŭzbrojenyja siły Ukrainy kancentrujuć siły ŭ pamiežnych rajonach z Rasijaj i Biełaruśsiu.
Paviedamleńni ab tym, što Rasija naroščvaje vajskovyja siły na miažy z Ukrainaj, pačali źjaŭlacca ŭ ŚMI ŭ kancy kastryčnika — pačatku listapada, u pryvatnaści, pra heta pisali The Washington Post i Politico.
Paźniej Bloomberg i The New York Times sa spasyłkaj na krynicy napisali, što ES atrymaŭ ad ZŠA papiaredžańnie ab mahčymym uvarvańni Rasii va Ukrainu. Na dumku amierykanskich raźviedčykaŭ, imaviernaść hetaha ŭzraście pa miery nastupleńnia chaładoŭ.
