Nord Stream 2
Pra heta paviedamlajecca na aficyjnym sajcie niamieckaha rehulatara, piša Radyjo Svaboda.
«Paśla pilnaha vyvučeńnia dakumientacyi Bundesnetzagentur pryjšło da vysnovy, što sertyfikavać aperatara hazapravoda «Paŭnočny patok — 2» možna budzie tolki ŭ tym vypadku, kali hety apieratar budzie arhanizavany ŭ jurydyčnaj formie adpaviedna niamieckamu zakanadaŭstvu», — adznačajecca ŭ paviedamleńni.
Ciapier kampanija-apieratar «Paŭnočny patok — 2» bazujecca ŭ Šviejcaryi. U Niamieččynie stvorana jaje daččynaja kampanija dla kiravańnia niamieckaj častkaj hazapravodu. Pavodle Fiederalnaha ahienctva, hetaja daččynaja kampanija musić jašče stać uładalnicaj i apierataram niamieckaj častki hazapravodu, i tolki paśla hetaha pavinna vykanać patrabavańni niezaležnaha apieratara, zhodna z zakonam ab enierhietyčnaj pramysłovaści Niamieččyny.
«Pracedura siertyfikacyi zastaniecca prypynienaj, pakul asnoŭnyja aktyvy i čałaviečyja resursy nie buduć pieradadzieny daččynaj kampanii i Fiederalnaje ahienctva nie zmoža pravieryć, ci zavieršana dakumientacyja, jakuju daččynaja kampanija musić padać paŭtorna. Kali hetyja patrabavańni buduć vykananyja, Fiederalnaje ahienctva zmoža adnavić siertyfikacyju ŭ apošnija čatyry miesiacy, jak heta praduhledžana ŭ zakonie, i padrychtavać prajekt rašeńnia i pieradać jaho ŭ Jeŭrapiejskuju kamisiju dla zaklučeńnia», — patłumačyli ŭ Fiederalnym ahienctvie Niamieččyny pa sietkach.
Pra časovaje spynieńnie pracedury Bundesnetzagentur zahadzia painfarmavała Fiederalnaje ministerstva ekanomiki i enierhietyki (BMWi) i Jeŭrapiejskuju kamisiju.
