BiełTA
Pra heta zajaviŭ siońnia žurnalistam ministr achovy zdaroŭja Dźmitryj Pinievič, piša BiełTA.
Ministr adznačyŭ, što rynak vakcyn źjaŭlajecca i miedyka-bijałahičnym, i handlovym, i palityčnym faktaram. U Biełarusi vykarystoŭvajuć jak inaktyvavanyja, tak i viektarnyja vakcyny. Dla vakcynacyi vykarystoŭvajucca rasijskija i kitajskija preparaty, a voś vyrablenyja ŭ Jeŭropie adsutničajuć.
«Ciapier košt vakcyn na rynku ŭ toj ža sistemie COVAX pamianšajecca. Mahčyma, my možam razhladać u dalejšym i pašyreńnie hetaha śpiektra vakcyn z punktu hledžańnia vartasnych paramietraŭ. Jak doktar, ja kažu ab tym, što isnujučych prapanoŭ pa vakcynach całkam dastatkova, kab pierakryć usie mahčymyja epidemijałahičnyja šlachi», — adznačyŭ Dźmitryj Pinievič.
Tym časam na sajcie Minzdaroŭja źjaviłasia interaktyŭnaja karta, dzie možna pryščapicca ad kavidu.
Učora było zafiksavana 2060 vypadkaŭ kavidu za dzień, płanka ŭ 2 tysiačy była pieraadolena ŭ aŭtorak.
