Vybary ŭ parłamient Čechii niečakana paviarnulisia situacyjaj pravavoha vakuumu: z «padviešanymi» prezidentam, parłamientam i ŭradam adnačasova. Da hetaha kazusu pryviało toje, što prezident krainy, 77-hadovy Miłaš Zieman, na nastupny dzień paśla vybaraŭ trapiŭ u balnicu ŭ ciažkim stanie i najbližejšym časam nie zmoža ni zaćvierdzić adstaŭku staroha ŭrada, ni prapanavać novy.
U vyniku pasadu premjera jašče niapeŭny čas budzie zajmać kiraŭnik kirujučaj partyi miljarder Andrej Babiš, niahledziačy na toje, što jon prajhraŭ vybary. A kiraŭnik kaalicyi, jakaja pieramahła, nie moža ŭznačalić urad jak minimum da momantu vyzdaraŭleńnia prezidenta. I, narešcie, novy parłamient pakul taksama nie sabraŭsia na pasiadžeńnie, a značyć, nie moža ni sfarmavać novy ŭrad, ni pryniać rašeńnie ab adstaŭcy Ziemana ŭ suviazi sa stanam jaho zdaroŭja, kab pieradać funkcyi prezidenta inšym palityčnym subjektam.
Kirujučaja partyja Babiša prajhrała parłamienckija vybary apazicyjnaj kaalicyi «Razam» ź pieravahaj u 0,6%. Pry hetym centryscki ruch ANO atrymlivaje 72 z 200 deputackich mandataŭ u nižniaj pałacie parłamienta, a kaalicyja «Razam» — 71.
I Andrej Babiš, i vyłučany ad kaalicyi «Razam» lidar hramadzianskaj demakratyčnaj partyi Piotr Fijału vykazali hatoŭnaść uznačalić Kabmin.
