BiełTA
U Minsku pačali pryvivać suprać hrypu, paviedamiła BiełTA hałoŭny doktar 39-j palikliniki Minska, hałoŭny pazaštatny śpiecyjalist pa ambułatorna-palikliničnaj dapamozie Minizdaroŭja Volha Jasmančyk.
«Na minułym tydni my atrymali vakcynu suprać hrypu. Na siońnia jana jość va ŭsich paliklinikach Minska. Pryvivać biaspłatna hrupy ryzyki buduć vakcynaj rasijskaj vytvorčaści «Hrypoł Plus», a dla akazańnia płatnych pasłuh nasielnictvu daduć čatyrochkampanientnuju vakcynu «Vaksihryp Tetra» (Francyja). I taja, i inšaja vakcyna jość u najaŭnaści, tamu pačynajem vakcynacyju i suprać hrypu», — skazała Volha Jasmančyk.
Jana taksama adznačyła, što ŭ kožnaj paliklinicy vydzielenyja asobnyja kabiniety dla vakcynacyi suprać infiekcyi COVID-19. Tam ža miedycynskija rabotniki buduć ahladać pacyjentaŭ i pierad vakcynacyjaj ad hrypu.
«Kali čałaviek choča pryščapicca tolki ad hrypu, možna źviartacca ŭ palikliniku pa miescy žycharstva. Akramia taho, miedrabotniki buduć vyjazdžać i na pradpryjemstvy», — dadała jana.
