Sudździa Maryna Kacuba pastanaviła pryznać Michalcova vinavatym u «złačynstvach», praduhledžanych častkaj 1 artykuła 342, artykułam 364 i častkaj 1 artykuła 368 KK. 

U vinu Michalcovu staviłasia toje, što jon paśla hałasavańnia na vybarach 9 žniŭnia 2020 hoda vyjšaŭ na płošču ŭ Rečycy, a kali tam pačali zatrymlivać inšaha chłopca, razam z hrupaj ludziej zaminaŭ heta rabić. U pryvatnaści, jon nibyta vychodziŭ na prajeznuju častku vulicy Čapajeva i zaminaŭ ruchu transpartu.

Akramia taho, jaho vinavacili ŭ hvałcie datyčna da milicyjanta z Rečyckaha RAUS Dźmitryja Haraja. Sam Haraj raspaviadaŭ na sudzie, što chłopca, jaki stajaŭ na płoščy, vyrašyli zatrymać, bo ŭ jaho na plačach byŭ bčb-ściah. Ludzi sprabavali pieraškodzić advolnamu zatrymańniu. Siarod tych, chto sprabavaŭ nie dać zatrymać nievinavataha, apynuŭsia i Kanstancin Michalcoŭ.

Kali zatrymanaha maładziona milicyjanty pačali sadzić u svaju mašynu, Michalcoŭ šturchnuŭ Haraja ŭ śpinu. Jak kazaŭ na pieršym sudovym pasiadžeńni sam Haraj, jon adčuŭ «uździejańnie» i vykazaŭ zdahadku, što, «napeŭna, bol minimalny niejki byŭ». Tym nie mienš supracoŭnik zaprasiŭ, kab sud prysudziŭ jamu kampiensacyju maralnaj škody 2000 rubloŭ.

Taksama Michalcova abvinavacili ŭ abrazie Łukašenki, jakuju Michalcoŭ vykazaŭ u telehram-kanale. Zhodna ź linhvistyčnaj ekśpiertyzaj, dopis Michalcova byŭ paviedamleńniem abraźlivaha charaktaru.

Клас
Панылы сорам
Ха-ха
Ого
Сумна
Абуральна