«Pa linii Administracyi prezidenta ŭ nas vielmi šmat naźbirałasia pytańniaŭ — palityčnych, ideałahičnych, kadravych. Tym bolš chutka refierendum, jość ab čym pahavaryć. Tamu treba parłamientaryjam i Administracyi, dy i ŭradu padłučycca, sabrać 5-6 pytańniaŭ (treba — dva pasiadžeńni praviadziom) i ich razhledzieć, uzhadnić, kali treba. Tamu zrabicie heta», — pastaviŭ zadaču Alaksandr Łukašenka.

Nahadajem, Łukašenka ŭžo nie ŭpieršyniu viartajecca da hetaha pytańnia ab pieradačy prezidenckich paŭnamoctvaŭ.

U razhar vuličnych akcyj pratestu ŭ žniŭni 2020 hoda jon kazaŭ, što hatovy ŭ hetym płanie padzialicca prezidenckimi paŭnamoctvami.

«Novaja Kanstytucyja patrebna. Dva varyjanty mnie prapanavali. Ja ich adchiliŭ, tamu što jany mała adroźnivajucca ad hetaj. Idzie praca nad trecim varyjantam. Prychodźcie, siadajcie — i pracujem nad Kanstytucyjaj. Vynosim na refierendum, prymajem Kanstytucyju, i ja vam svaje paŭnamoctvy pa Kanstytucyi pieradam. Ale nie pad ciskam i nie praz vulicu!» — zajaviŭ palityk.

U listapadzie Łukašenka dapuściŭ pieradaču da 80% paŭnamoctvaŭ parłamientu i Savietu ministraŭ. Pa słovach Łukašenki, biełaruski narod choča pieramienaŭ, i adnym z vychadaŭ z hetaj situacyi moža stać źmianieńnie Kanstytucyi.

Adnak užo ŭ žniŭni 2021 hoda Łukašenka śćviardžaŭ, što ŭ pracesie pieraraźmierkavańnia paŭnamoctvaŭ na ŭzrovień inšych dziaržaŭnych struktur kolkaść žadajučych prymać na siabie takija paŭnamoctvy nibyta pamienšyłasia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?