Na sudzie advakat palitviaźnia zaŭvažyŭ, što Kubaravu «prypisali» 57 lišnich maršrutaŭ adnosna akta, jaki byŭ pradstaŭleny sudu raniej. Paśla sprečak vyśvietliłasia, što pazoŭny akt byŭ niedakładny. Pa novych źviestkach, Dźmitryj Kubaraŭ spyniŭ transpart na 107 maršrutach.
Pa łohicy pradstaŭnicy «Minsktransa» Śviatłany Baćkovaj, usiu sumu spahaniajuć tolki z Kubarava, bo jon asudžany za arhanizacyju masavych biesparadkaŭ. Prakuror prapanavaŭ Kubaravu samomu spahaniać sumu z «niavyśvietlenych asobaŭ», kali ich pryznajuć vinavatymi. A kali nieviadomych asob usio ž taki vyjaviać, to suma z Kubarava budzie spahnanaja praparcyjna z astatnimi adkazčykami.
Sudździa Inesa Kurko zadavoliła pazoŭ «Minsktransa». Taksama z palitviaźnia spahoniać pošlinu — 2 259 rubloŭ.
Nahadajem, 25-hadovaha dyzajniera Dźmitryja Kubarava žorstka zatrymali 11 žniŭnia i dastavili ŭ SIZA KDB, dzie jon padpisaŭ jaŭku z pavinnaj. Na sudzie Dźmitryj zajaviŭ pra katavańni paśla zatrymańnia. Kubarava abvinavacili ŭ arhanizacyi masavych biesparadkaŭ (č. 1 art. 293 Kryminalnaha kodeksa), a 24 sakavika pakarali 7 hadami pazbaŭleńnia voli z adbyvańniem u kałonii ŭzmocnienaha režymu. Na sudzie Dźmitryj nie pryznaŭ svaju vinu.
