Brytanski časopis Times Higher Education (THE) apublikavaŭ abnoŭleny rejtynh univiersitetaŭ na 2022 hod. U śpis ŭvajšli čatyry biełaruskija ŭstanovy.
Naprykład BDU zaniaŭ miesca «1201 i nižej». U rejtynh taksama ŭklučanyja try ŭniviersitety, ale biez kankretnaha miesca. Heta BDUIR, a taksama mieduniviersitety ŭ Hrodnie i Viciebsku.
Što da susiednich krain, to tut takija vyniki: Maskoŭski dziaržaŭny univiersitet (158 miesca), a taksama Maskoŭski fizika-techničny instytut, Sankt-Pieciarburhski palitechničny ŭniviersitet dy inšyja
Va Ukrainie najlepšym paličyli nie kijeŭskija VNU, a Sumski dziaržaŭny ŭniviersitet (miescy z 501 pa 600).
U Polščy vyšej za inšyja apynuŭsia Jahiełonski ŭniviersitet (501-600), u Litvie — u Litoŭskaha ŭniviersiteta pa vyvučeńni zdaroŭja (601-800) i Vilenskaha ŭniviersiteta (800-1000), a taksama Litoŭskaha techničnaha ŭniviersiteta imia Hiedymina (1000-1200), u Łatvii — u Ryžskaha ŭniviersiteta imia Stradynia (501-600) i Ryžskaha techničnaha ŭniviersiteta (800-1000).
Usiaho ŭ rejtynh uvajšli bolš za 1600 navučalnych ustanoŭ z 99 krain i rehijonaŭ śvietu. VNU aceńvali pa 13 paramietrach, abjadnanym u piać hrup: cytavanaść navukovych artykułaŭ, układ u inavacyi, dachody ad daśledčaj dziejnaści, jakaść vykładańnia, stupień hłabalnaści univiersiteta (mahčymaść pryciahvać najlepšych supracoŭnikaŭ i zamiežnych studentaŭ).
Pieršy radok rejtynhu šosty hod zapar zaniaŭ Oksfardski ŭniviersitet. Druhuju padzialili dźvie VNU z ZŠA — Kalifarnijski technałahičny instytut i Harvardski ŭniviersitet. Śledam za imi — Stenfardski ŭniviersitet.
