Dyrektar Departamienta pa avijacyi Ministerstva transpartu i kamunikacyj Arciom Sikorski paviedamiŭ, što śpiecyjalisty ICAO admovilisia razmaŭlać z Ramanam Pratasievičam.
Adkazvajučy na pytańnie Ihara Tura pra čutki, što ŭ ICAO nibyta chacieli sustrecca z Pratasievičam, Sikorski źniapraŭdziŭ hetuju infarmacyju.
«Jany naadvarot admovilisia. My vydatna razumiejem: kali b nie situacyja z adnym z pasažyraŭ hetaha sudna, ich by tut i nie było. Ale ad znosin ź im jany admovilisia. Im heta było prapanavana. Im było prapanavana, i ŭ płanie ich znachodžańnia tut było adznačana, što jany chočuć pahutaryć z usimi piaćciu pasažyrami, jakija zastalisia ŭ Biełarusi. Pa vyniku, jany nie sustrelisia ni z adnym ź ich», — skazaŭ jon.
Kiraŭnik departamienta pa avijacyi paćvierdziŭ, što hrupie ICAO byli pradastaŭleny 50 tečak materyjałaŭ na ruskaj movie.
