Budoŭla dahetul staić biez bačnaj aktyŭnaści, padradčyki źjechali. Kansiervacyja abjekta nie zroblena, što abiacaje pryhodnickuju vosień.
Pusty, biaźludny škilet budoŭli, zimniaje fota, z taho času ničoha nie źmianiłasia
Prablemu z daŭhabudam u mai ŭźniaŭ Łukašenka:
«Chaciełasia b narešcie pačuć ad staršyni harvykankama. My što, i dalej budziem ciarpieć hety hazpramaŭski płot u centry Minska? Jany ž prasili: dajcie nam kavałak ziamli, my chočam pabudavać pryhožy budynak. Dzie hety budynak?»
Jak stała viadoma «Našaj Nivie», haradskija ŭłady rychtujuć pazoŭ da adkaznaj kampanii («Hazpram transhaz Biełaruś) pa zryvie inviestycyjnaj damovy. Padličvajecca dakładnaja suma i varyjanty dalejšych dziejańniaŭ.
Što rabić z zabudavanym fundamientam? Adzin z varyjantaŭ — prymusić «Hazpram Transhaz» vyrazać i vyvieźci ŭvieś bieton, bo isnuje imaviernaść, što hetaja placoŭka z takim bietonnym začatkam ich prajekta budzie niecikavaja inšym, nastupnym inviestaram», paviedamili «Našaj Nivie» abaznanyja krynicy.
