Fota The Guardian
U intervju z Kapienhahiena Chalida Popał zaklikaje spartsmienak vydalać usie sacsietki, fotazdymki i źniščać futbolnuju formu dla ŭłasnaj biaśpieki. Jany śćviardžaje, što
ŭ minułym bajeviki zabivali, hvałcili i zakidvali kamianiami žančyn, tamu nieviadoma, što čakaje futbalistak u budučyni.
Popał adznačyła, što zaŭsiody zaachvočvała dziaŭčat «być mocnymi, śmiełymi i zaŭvažnymi», ale ciapier jana vymušanaja vystupić ź inšym pasyłam.
«Siońnia ja zvaniu spartsmienkam i kažu, kab jany vydalali lubuju infarmacyju pra siabie, kab spalili formu nacyjanalnaj kamandy. I heta vielmi baluča rabić mnie, aktyvistcy, jakaja zrabiła ŭsio mahčymaje, kab dziaŭčaty mieli prava hulać i pradstaŭlać našu krainu», — śćviardžaje Chalida Popał.
Padčas kiravańnia ŭ 1996-2001 taliby zabaraniali žančynam pracavać. Dziaŭčynkam zabaraniałasia chadzić u škołu, a žančyny mahli vychodzić na vulicu tolki ŭ parandžy ŭ supravadžeńni svajaka mužčynskaha połu. Tych, chto parušaŭ praviły, publična prynižali i źbivali, piša The Guardian.
Popał adznačyła, što futboł dazvoliŭ žančynam zaniać ćviorduju pazicyju ŭ adstojvańni svaich pravoŭ, ale ciapier spartsmienki napałochanyja, bo «bajacca, što ŭ luby momant za imi pryjduć».
«Toje, što my bačym — razvał krainy, — miarkuje Chalida. — Usie namahańni, prykładzienyja dla pašyreńnia mahčymaściaŭ afhanskaha naroda, ciapier padajucca pustymi».
