Jak raskazaŭ u efiry «Biełaruś-1» ministr transpartu i kamunikacyj Alaksiej Aŭramienka, u suviazi z hetym uładam daviadziecca šukać novyja krynicy finansavańnia. Havorka sama mieniej pra paŭmiljarda dalaraŭ, piša Radyjo Svaboda.
Čynoŭnik udakładniŭ, što pad šerah prajektaŭ užo byli padpisanyja kredytnyja pahadnieńni ź jeŭrapiejskimi bankami, adnak praz abvieščanyja sankcyi siońnia takija finansavyja ŭhody niemahčymyja.
Havorka pra darohi:
- M3 Minsk — Viciebsk,
- R46 ad Lepiela da Połacka z budaŭnictvam abychodu i novaha mosta,
- M7 Minsk — miaža Litvy.
Pavodle ministra, dziela realizacyi zapłanavanych abjomaŭ ramontu i adnaŭleńnia darožnaj infrastruktury viedamstva pačało pieramovy ź Jeŭrazijskim bankam raźvićcia i Ekspartna-impartnym bankam Kitaja.
Sioleta darožniki płanujuć zavieršyć rekanstrukcyju darohi R53 da Smalavičaŭ i ramont R23 ad Słucka da Salihorska.
U płanach Ministerstva transpartu i kamunikacyj štohod pryvodzić da ładu prykładna 1000 kiłamietraŭ aŭtadaroh.