«U nas ź Biełaruśsiu — Sajuznaja dziaržava»: Łaŭroŭ prakamientavaŭ słovy Łukašenki pra Krym
Pra heta zajaviŭ žurnalistam u čaćvier ministr zamiežnych spraŭ Rasii Siarhiej Łaŭroŭ, kamientujučy słovy Alaksandra Łukašenki, jaki 9 žniŭnia raskazaŭ, na jakich umovach hatovy pryznać Krym rasijskim. Pa słovach Łukašenki, jon heta zrobić, kali toje ž zrobić «apošni rasijski aliharch» i pačnie pastaŭlać tudy pradukcyju.
«U nas jość Damova pra Sajuznuju dziaržavu ź Biełaruśsiu, z 1999 hoda dziejničaje. U adpaviednaści z hetaj damovaj terytoryjaj Sajuznaj dziaržavy źjaŭlajecca terytoryja Respubliki Biełaruś i Rasijskaj Fiederacyi ŭ adpaviednaści ź ich zakanadaŭstvam.
Pa našym zakanadaŭstvie Respublika Krym, naturalna, heta terytoryja Rasijskaj Fiederacyi i ŭvachodzić u Sajuznuju dziaržavu razam z našymi biełaruskimi siabrami», — adznačyŭ kiraŭnik MZS RF.