Kala 200 zamiežnych hramadzian atrymali pieršuju pryščepku suprać COVID-19 u Biełarusi.
Vakcynacyju na płatnaj asnovie prajšli hramadzianie Ukrainy, Litvy, Łatvii, Estoni i Rasii, paviedamlaje Minzdaroŭja.
Nahadajem, što z 15 lipienia pa 31 śniežnia ŭstanoŭleny biaźvizavy paradak ujezdu dla tych, chto jedzie ŭ Biełaruś pryščapicca ad kavidu. Takoje prava dadziena hramadzianam 73 krain.
Vakcynacyja zamiežnikaŭ pravodzicca ŭ 59 ustanovach achovy zdaroŭja.
Siońnia Minzdaroŭja taksama ahučyła, kolki biełarusaŭ pryščapiłasia ad kavidu. Pavodle ich źviestak, pieršuju dozu vakcyny atrymali 1,37 młn čałaviek, a całkam kurs vakcynacyi prajšli 921,9 tysiač, što składaje 14,6 i 9,8 pracenta ad usiaho nasielnictva.
0
0
0
0
0
0
