Spravu razhladaje sudździa Alena Bušava, dziaržabvinavačańnie padtrymlivaje pamočnik prakurora Frunzienskaha rajona Dźmitryj Chavaŭka.
Pavodle viersii abvinavačvańnia, unačy 31 studzienia Michajłaŭ pryhatavaŭ kaktejl Mołatava, ŭ lesie pablizu vulicy Michasia Čarota ŭ Minsku, zatym pieraliŭ vadkaść u, na jakoj zahadzia napisaŭ «AHSB». Paśla chłopiec piechatoju dajšoŭ da miesca stajanki ešełona z vajskovaj technikaj, dzie i padpaliŭ tank T-72.
Sam Jahor Michajłaŭ pryznaje vinu častkova: pryznaje, što ździejśniŭ padpał tanka, ale nie zhodny z kvalifikacyjaj i tym, što heta było zroblena z palityčnych matyvaŭ.
Jahor Michajłaŭ
Pravierki pa fakcie padpału i kryminalnuju spravu raspačali pa faktu raźmiaščeńnia videa ŭ tielehram-kanale «Basta!». Zatrymali Jahora 13 lutaha. Michajłava vyličyli pa videazapisie z «Jeŭraopta», kudy jon adpraviŭsia kala čatyroch hadzin ranicy paśla kidka kaktejlu Mołatava ŭ tank.
Na sudzie Michajłaŭ raspavioŭ, što naŭmysna zrabiŭ kaktejl Mołatava tak, kab «nie prynieści vialikaj škody vajskovaj techniki». Prakuror pacikaviŭsia, što značyŭ nadpis «AHSB» na butelcy. Michajłaŭ rastłumačyŭ, što heta «atrady hramadzianskaj samaabarony», ale sam jon u ich składzie jon nie znachodzicca. Na pytańnie dziaržabvinavaŭcy, čamu na butelcy byŭ mienavita hety nadpis, abvinavačany adkazaŭ, što jamu napisaŭ znajomy i skazaŭ, što «było b prykolna napisać na butelcy AHSB».
Sudździa Bušava spytała ŭ Michajłava: kali jon tak bajaŭsia paškodzić tank, to ź jakoj metaj kidali butelki? Abvinavačany adkazaŭ, što z metaj rozyhryšu, adnak admoviŭsia tłumačyć heta.
Michajłaŭ, kali kidaŭ butelku, zdymaŭ padziei na telefon. Jak jon patłumačyŭ, kab «zachavać». Adnak i heta tłumačyć padrabiaźniej jon nie zachacieŭ.
Taksama chłopiec paviedamiŭ, što videa jon paśla skinuŭ znajomamu: hramadzianinu inšaj dziaržavy Dzisu. Mienavita karystalnika telehrama ź nikam «Dis» (hramadzianina Hiermanii Dzianisa Chofmana) dziaržSMI nazyvajuć kiraŭnikom th-čata «AHSB».
Prakurora cikaviła, ci padtrymlivaŭ Michajłaŭ niejkija adnosiny ź Dzisam. Abvinavačany adkazaŭ:
«Mahčyma. Tak. Razmaŭlali i da hetaha, i paśla. Dla pačatku treba razumieć, chto taki Dzis. Mnohija ličać, što jon arhanizatar «AHSB», ale ja kažu, što heta nie tak. Jon nie tolki nie źjaŭlajecca ŭładalnikam kanała «AHSB», jon navat nikoli nie ŭvachodziŭ u koła asobaŭ, nabližanaje da kiraŭnika. Jon mnie kazaŭ: «Dziaŭčynki ličać moj hołas seksualnym, tamu ja tam siadžu, znajomlusia ź dziaŭčynkami, karystajusia, što ciapier bolš-mienš libieralna, nie baniać».
Voś, što ź siabie ŭjaŭlaje hety piersanaž».
Pa słovach Michajłava, ź Dzisam jon vyrašyŭ, što videa z kidkom butelki ŭ tank nie pavinna źjavicca ŭ internecie. Jak i čamu rolik potym apublikavali Michajłavu nieviadoma. Paśla hetaha Michajłaŭ ź Dzisam nie mieŭ znosinaŭ, bo pakryŭdziŭsia na jaho.
Prakuror jašče raz spytaŭ, jakaja była pryčyna padpału tanka. Michajłaŭ adkazaŭ: «Chacieŭ pažartavać». Patłumačyŭ, što namier na padpał tanka ŭ jaho ŭźnik u toj ža dzień: «Usio adbyłosia spantanna».
Prakuror: «Čamu mienavita vajennaja bajavaja technika?»
Abvinavačany: «Mnie padaŭsia paciešnym toj fakt, što jana nijak nie achoŭvajecca. Čamu jany nie mohuć abaranić svaju techniku, heta zdałosia vielmi paciešnym».
Prakuror: «Vy vyrašyli pravieryć Uzbrojenyja siły?»
Abvinavačany: «Možna i tak skazać. Dla siabie».
Vyhlad tanka paśla zdareńnia
Taksama Michajłaŭ raspavioŭ:
«Potym mnie pastupiła prapanova palityzavać hetaje mierapryjemstva. Treba było dać intervju (th-kanału «Basta!»). Potym ja padumaŭ, što heta tryźnieńnie. Heta hańbić hetych biednych niaščasnych vajskoŭcaŭ. I ŭ cełym krainu nie vielmi pryhoža vystaŭlaje, tamu ad hetaj idei palityzavać jakim-niebudź sposabam dadzienaje mierapryjemstva ja admoviŭsia».
Taksama Michajłaŭ paskardziŭsia na ŭmovy ŭtrymańnia, skazaŭ, što jamu nie dazvalajuć jość ježu, jakuju jon kuplaje ŭ kramie, i tamu na sudach jon pastajanna hałodny (na pracesie 15 lipienia trymaŭsia ŭvieś čas za žyvot).
Padčas vyvučeńnia piśmovych materyjałaŭ spravy stała viadoma, što paśla zatrymańnia Michajłaŭ zapisvaŭ «pakajalnaje videa» u dvoryku KDB, tam jaho i dapytvali. Na sudzie ŭ jaho spytali, ci padtrymlivaje jon skazanaje na dopycie ŭ KDB, ale Michajłaŭ adkazaŭ, što nie choča kamientavać toje, što tam adbyvałasia.
Jahoru Michajłavu pahražaje ad 8 da 15 hadoŭ pazbaŭleńnia voli.
