BiełTA
«My viedajem, chto ŭ ZŠA, Hiermanii i inšych, asabliva jeŭrapiejskich, krainach vystupiŭ suprać pastavak kamplektujučych i asnoŭnych vuzłoŭ dla našych pradpryjemstvaŭ. My ich viedajem. U nas jość vopyt. Pamiatajecie, Skoda, Nivea i hetak dalej? My im skazali: chłopcy, dziakuj, da pabačeńnia. Pieršaje: na biełaruski rynak — ni kroku, druhoje: praź Biełaruś — taksama ni kroku.
Mienavita tak treba pastupić i ź niemcami. Chaj praź Finlandyju ŭ Kitaj i Rasiju pastaŭlajuć svaju pradukcyju. Abo praz Ukrainu (tam dobryja darohi) niachaj jeduć i pastaŭlajuć tudy», — skazaŭ Łukašenka.
Jon dadaŭ, što «ŭ nas nie takaja vialikaja ekanomika, kab parycca nakont hetych sankcyj. My možam pradać liški, jakija ŭ nas jość, u astatniaj častcy śvietu».
Łukašenka adznačyŭ najaŭnaść značnych reziervaŭ u handli z Rasijaj, vielizarny patencyjał u Azii, pierš za ŭsio ŭ Kitai, Vjetnamie, Indyi i Pakistanie, a taksama ŭ Afrycy, Łacinskaj Amierycy, krainach Piersidskaha zaliva i na Blizkim Uschodzie.
«Heta dynamičnyja ekanomiki, płaciežazdolnyja rynki, jakija składajuć realnuju kankurencyju siońniašnim zvyšdziaržavam i nie vystaŭlajuć nam pretenzij, nie vučać žyć. Treba bolš aktyŭna iści tudy, dzie nas čakajuć i dzie hatovyja vieści pavažlivy dyjałoh», — pierakanany jon.