Biełteleradyjokampaniju vyklučyli ź Jeŭrapiejskaha viaščalnaha sajuza. Heta adbyłosia na siońniašnim pasiadžeńni Vykanaŭčaj rady. Z 1 lipienia BTRK bolš nie zmoža atrymać dostup da šeraha pasłuh dla členaŭ JEVS. Siarod ich:
■ abmien navinami i muzyčnym kantentam;
■ pravy na tranślacyju peŭnych muzyčnych i spartyŭnych mierapryjemstvaŭ;
■ jurydyčnuju, techničnuju i daśledčuju ekśpiertyzu;
■ pasłuhi pa abaronie intaresaŭ.
«Apošnija tydni nas asabliva ŭstryvožyła tranślacyja intervju, vidavočna atrymanych pad prymusam. My taksama adsočvali inšyja pieradačy Biełteleradyjokampanii ŭ hetym pytańni, jakija vyklikajuć surjoznyja i vielmi vyklučnyja aściarohi. U śviatle hetych vyklučnych padziej u Vykanaŭčaj rady niama inšaj alternatyvy, akramia jak prapanavać prypynić siabroŭstva Biełteleradyjokampanii ŭ EBU», — adznačaje arhanizacyja.
