U suviazi z sankcyjami Jeŭrasajuza ŭ dačynieńni da Biełarusi litoŭskaja dziaržaŭnaja čyhunačnaja hrupa Lietuvos gelezinkeliai moža stracić kala 19 młn jeŭra dachodaŭ u hod, śćviardžaje kiraŭnik hrupy Mantas Bartuška, pieradaje DELFI.
Pa jaho słovach, pavodle papiarednich źviestak, sankcyi mohuć skaracić kolkaść uhnajeńniaŭ, jakija pieravoziacca kampanijaj, na 20%, na 0,5 młn ton skarociacca pieravozki naftapraduktaŭ. «Zhodna z papiarednimi padlikami, kali my pazbavimsia hetych hruzaŭ, to ŭ vypadku z uhnajeńniami my niedaatrymajem kala 14 młn jeŭra dachodaŭ u hod, a ŭ kantekście naftapraduktaŭ — kala 4-5 młn jeŭra dachodaŭ u hod», — zajaviŭ Bartuška na pres-kanfierencyi ŭ piatnicu.
Pavodle jaho słoŭ, kali kampanii samoj nie atrymajecca kampiensavać straty, ad dziaržavy spatrebicca kala 10 młn jeŭra dla padtrymańnia infrastruktury. Jon źviarnuŭ uvahu na toje, što sankcyi buduć prymianiacca tolki ŭ dačynieńni da novych damovaŭ, tamu pieravozki ŭ ramkach ciapierašnich pahadnieńniaŭ mohuć praciahvacca. U Lietuvos geležinkeliai jość doŭhaterminovy dahavor z «Biełaruśkalijem» da kanca 2023 hoda. Usio ž, pavodle jaho słoŭ, pieravozki mohuć parušycca i raniej.
