Toje, što matčy biełaruskaha čempijanatu hulajucca paralelna ź Jeŭra-2020, pajšło ajčynnamu turniru na karyść: u 12 tury było zabita 25 miačoŭ, u minułym — 22. Viadoma, jakaść našaha futboła nižejšaja za top-turnir, ale hladzieć matčy «vyški» ŭ śpiakotnyja červieńskija dni dakładna nie sumna.
Voś ź jakimi vynikami skončyŭsia 13 tur:
- «Minsk» — «Enierhietyk-BDU» 1:2 (1, 47, Łopies — 42 (p), U. Vasiljeŭ)
- «Nioman» — «Słavija» 2:2 (8, 63, Hryboŭski — 86, Žerdzieŭ; 90+5, Paŭlučak)
- «Słuck» — «Šachcior» 1:4 (45, Alfred — 50, Stasievič; 62, Ancič; 64, 76, Darbo)
- «Dynama-Brest» — «Smarhoń» 2:2 (16, Bieleńki; 63, Siadźko — 7, 61, A. Bandarenka)
- «Viciebsk» — «Ruch» 0:0
- «Homiel» — «Isłač» 2:0 (13, Sałaviej; 45, Ał. Vasiljeŭ)
- «Tarpieda-BiełAZ» — «Spadarožnik» 2:0 (28, Haboŭda; 30, Leanovič)
- «Dynama-Minsk» — BATE 0:2 (36, Skavyš; 67, Milič)
TURNIRNAJA TABLICA
U matčy tura BATE akazałasia macniejšym za minskaje «Dynama». Arciom Čaladzinski vystaviŭ na matč taktyčnuju schiemu pad supiernika i pa chodu matču jaje mianiaŭ, što šło na karyść «Dynama». Ale barysaŭcy akazalisia bolš efiektyŭnymi ŭ atacy i zmahli realizavać svaje mahčymaści, a ŭ klučavyja momanty dapamoh Anton Čyčkan u bramie.
«Słuck» u matčy suprać «Šachciora» zmoh pieršym adznačycca zabitym miačom, ale paśla pačaŭsia bieniefis hałoŭ-pryhažunoŭ ad salihorcaŭ. Jaho adkryŭ Ihar Stasievič, dla jakoha miač u Słucku staŭ pieršym u 13 turach za «Šachcior».
Dalej Nikoła Ancič i Demba Darbo daviali spravu da razhromu.
Matč «Nioman» — «Słavija» skončyŭsia tryleram. Da 86-j chviliny haspadary spakojna viali z kamfortnym likam 2:0, ale mazyrčuki zmahli vyrvać ničyju na apošnich siekundach hulni.
Ale fartuna viarnuła daŭhi pa niaŭdačach haradziencam u Kubku Biełarusi. U hety aŭtorak «Nieman» sustrakaŭsia z «Krumkačami». Kamanda pieršaj lihi doŭhi čas minimalna viała ŭ liku, i niekatory čas mieła na poli na dva hulcy bolš. Ale navat udzieviacioch «Nioman» zdoleŭ adhulacca i ŭ vyniku pieramoh u sieryi pienalci.
Fota: NFK «Krumkačy».
Z astatnich matčaŭ adznačym druhuju zapar ničyju «Smarhoni», druhi zapar halavy dubl Łopiesa z «Minska» i doŭhačakanuju pieramohu «Tarpieda-BiełAZ».
A ciapier da matčaŭ 14 tura, jaki startuje ŭ subotu.
«Smarhoń» — «Homiel»
- 26.06, 16:45. Smarhoń, stadyjon «Junactva»
- Kaeficyjenty: «Smarhoń» (pieramoha) — 7.40; ničyja — 4.85; «Homiel» (pieramoha) — 1.35.
Paśla adnosnaj stabilizacyi vynikaŭ u čempijanacie «Smarhoń» astupiłasia ŭ Kubku, prajhraŭšy lidaru pieršaj lihi — dziaržynskamu «Arsienału». «Homiel» ža ŭčyniŭ razhrom u Oršy ź likam 6:2.
Zdajecca, adzinaje, što moža pieraškodzić haściam u Smarhoni — heta zvyšdaloki vyjezd u śpioku: harady raździalajuć 440 kiłamietraŭ.
«Słavija» — «Enierhietyk-BDU»
- 26.06, 18:45. Mazyr, stadyjon «Junactva»
- Kaeficyjenty: «Słavija» (pieramoha) — 2.52; ničyja — 3.28; «Enierhietyk» (pieramoha) — 2.64.
«Słavija» hieraična vyratavałasia ad čaćviortaj zapar parazy ŭ čempijanacie, a paśla i vyjhrała ŭ kubkavaj hulni ŭ Pinsku. Padobna, što futbolnyja bohi krychu paviarnulisia tvaram da mazyrčukoŭ.
U «Enierhietyka», kali ličyć razam čempijanat i Kubak, to atrymlivajecca čatyry pieramohi ŭ piaci matčach. «Studenty» znachodziacca ŭ dobraj formie i mohuć skončyć pazityŭnuju sieryju «Słavii» na samym starcie.
«Šachcior» — «Dynama-Brest»
- 26.06, 20:45. Salihorsk, stadyjon «Budaŭnik»
- Kaeficyjenty: «Šachcior» (pieramoha) — 1.194; ničyja — 5.90; «Dynama» (pieramoha) — 13.50.
Salihorcy aktyŭna rychtujucca da jeŭrakubkaŭ. Užo padpisanyja try novyja futbalisty: sierby Ivanavič i Pieič, a taksama baśnijski abaronca Šatara. Mahčyma, pad tranśfierny viektar i vybirałasia časovaja «chatniaja» arena dla salihorcaŭ na jeŭrakubki — «Šachcior» prymie «Łudahorac» u Biełhradzie.
Bresckamu «Dynama» pakul nie da jeŭrakubkaŭ — prablemy ŭ čempijanacie. Kamanda Siarhieja Kavalčuka nie moža pieramahčy voś užo čatyry tury, i hulnia na dva franty moža jašče horš adbicca na vynikach u lizie.
«Isłač» — «Minsk»
- 27.06, 16:00. Maładziečna, stadyjon «Centralny»
- Kaeficyjenty: «Isłač» (pieramoha) — 2.18; ničyja — 3.58; «Minsk» (pieramoha) — 2.91.
«Vaŭki» znachodziacca ŭ vidavočnym kryzisie. Finalisty minułaha rozyhryšu Kubka Biełarusi vybyli z novaha ŭžo na stadyi 1/16 finału, prajhraŭšy ŭ sieryi pienalci sieradniakam pieršaj lihi. Heta ŭ dadatak da šaści turaŭ bieź pieramoh u vyšejšaj lizie.
Što tyčycca «Minska», to kamanda, ad jakoj ničoha nie čakali, uzabrałasia ŭžo na šostaje miesca. U šaści turach u «haradžan» tolki adna paraza, ale «Minsk», jak i ich nastupny supiernik, vylacieŭ z Kubka Biełarusi.
Arhienciniec Majkł Łopies u apošnich dvuch turach adznačyŭsia čatyrma hałami. Fota: FK «Minsk».
«Ruch» — «Słuck»
- 27.06, 18:00. Brest, ASK «Brescki»
- Kaeficyjenty: «Ruch» (pieramoha) — 1.40; ničyja — 4.55; «Słuck» (pieramoha) — 6.75.
Druhi za tydzień vyjezd na Brestčynu dla «Słucka». U sieradu słuččaki hulali ŭ Małarycie i zdabyli pieramohu, a ŭ niadzielu jeduć u Brest.
«Ruch» u minułym tury padzialiŭ bały ŭ Viciebsku, jašče bolš adpuściŭšy ad siabie «Šachcior» i BATE. Na piaty nastupajuć «Homiel» i minskaje «Dynama», tamu treba abaviazkova pieramahać. Tym bolš my ŭsie viedajem, jak niaŭdała ŭ haściach hulaje «Słuck».
BATE — «Tarpieda-BiełAZ»
- 27.06, 20:00. «Barysaŭ-Arena»
- Kaeficyjenty: BATE (pieramoha) — 1.36; ničyja — 4.80; «Tarpieda» (pieramoha) — 7.30.
U kancy pieršaha kruha stała zrazumieła, što adzinaj kamandaj, jakaja zdolnaja choć niejak stvaryć kankurencyju «Šachcioru», źjaŭlajecca BATE. Ale, kab u čempijanacie źjaviłasia intryha, treba čakać strat salihorcaŭ, ale tyja pakul hulajuć biezdakorna.
Padobna, u hetym siezonie BATE bolš nie zmoža dapamahčy kapitan kamandy Stanisłaŭ Drahun. U jaho traŭma kryžapadobnych źviazak, jakaja lečycca vielmi doŭha.
Bronzavyja pryziory minułaha siezonu pravodziać sioletni vielmi niestabilna: bolš za dźvie pieramohi zapar žodzincy jašče nie zdabyvali, dyk i taja adzinaja sieryja zdaryłasia ŭ 2-3 turach. I, padobna, što druhaja takaja sieryja nie adbudziecca, bo za hulnioj sa «Spadarožnikam» śleduje matč suprać BATE.
«Spadarožnik» — «Viciebsk»
- 28.06, 18:00. Rečyca, stadyjon «Centralny»
- Kaeficyjenty: «Spadarožnik» (pieramoha) — 8.40; ničyja — 4.70; «Viciebsk» (pieramoha) — 1.333.
Kali supierniki «Spadarožnika» pa nižejšaj častcy tablicy chacia b pakrysie, ale bały nabirajuć, to ŭ kamandy z Rečycy z hetym kampanientam vialikija prablemy. Nie dapamoh i chatni stadyjon — u pieršaj hulni na «Centralnym» hledačy pabačyli razhrom ź likam 0:5.
Kamandy z Rečycy i Viciebska nie hulali pamiž saboj u vyšejšaj lihi 20 hadoŭ: u 2001 hodzie jany nazyvalisia «Viedryč-97» i «Łakamatyŭ-96». Čym skončycca doŭhačakanaja sustreča praz doŭhi čas?
«Nioman» — «Dynama-Minsk»
- 28.06, 20:00. Hrodna, CSK «Nioman»
- Kaeficyjenty: «Nioman» (pieramoha) — 4.55; ničyja — 3.52; «Dynama» (pieramoha) — 1.73.
Dramatyčny kubkavy matč «Niomana» skončyŭsia nie tolki prachodam dalej haradzienskaj kamandy, ale i dyskvalifikacyjaj hałoŭnaha treniera Ihara Kavaleviča. Toj atrymaŭ 8 matčaŭ banu i 2900 rubloŭ štrafu za niecenzurnuju łajanku ŭ adras sudździaŭ i aficyjnych asob hulni suprać «Krumkačoŭ».
Mahčyma, u budučyni dyskvalifikacyju skarociać, ale heta davoli adčuvalny ŭdar pa «Niomanie». Ale haradziencam nie pryvykać — takoje zdarałasia i ŭ minułych siezonach.
Bukmiekierskaja kantora Marafon prapanuje novym klijentam BONUS 10 rub «Biasprojhryšnaja pieršaja staŭka» pa promakodu 10BYN pry rehictracyi na sajcie marathonbet.by.
Heta vydatnaja mahčymaść zrabić prahlad matča lubimaj kamandy jašče bolš zachaplalnym! Usie detali bonusnaj prapanovy čytajcie tut.
Marafonbiet źjaŭlajecca najbujniejšym bukmiekieram u Biełarusi pa kolkaści kas (Licenzija № 33120/171, vydadzienaja MPZ RB) i pradstaŭleny ŭ 21 horadzie krainy.
Śpis adrasoŭ kas
