Ilustracyjnaje fota
Takaja miera, jak chatni aryšt, praduhledžana artykułam 125 Kryminalna-pracesualnaha kodeksa. Padazravanaha ci abvinavačanaha pakidajuć u kvatery i zabaraniajuć adtul vychodzić całkam ci ŭ peŭny čas. Pry prablemach sa zdaroŭjem chatni aryšt moža być u lačebnaj ustanovie. Śledčy z sankcyi prakurora nakładaje na čałavieka peŭnyja abmiežavańni.
U kodeksie prapisana, što padazravany musić nasić pry sabie elektronnuju pryładu kantrolu.
«U Biełarusi ja jašče ni razu nie sutykaŭsia, kab kamuści vydavali branzalet, — kaža Anton Hašynski, advakat siamji Sofji Sapiehi (jon kamientuje praktyku ahułam, a nie vypadak Sapiehi). — U nas, jak praviła, vydzialajuć dvuch achoŭnikaŭ. Jany znachodziacca z vami ŭ adnym pamiaškańni, z vami chodziać, sočać, kab vy prytrymlivalisia režymu».
Čałaviek abaviazany taksama adkazvać na kantrolnyja telefonnyja zvanki.
Abmiežavańni pry chatnim aryšcie prapisany ŭ častcy 3 artykuła 123-1 KPK. Z samych častych — heta zabarona na telefonnyja zvanki, listavańnie, karystańnie internetam. Nie dazvalajecca kantaktavać z peŭnymi asobami, znachodzicca ŭ peŭnych miescach ci na mierapryjemstvach, kiravać mašynaj (kali złačynstva źviazana z parušeńniem praviłaŭ darožnaha ruchu). Kali heta złačynstva ŭ adnosinach da člena siamji, to padazravanamu (abvinavačanamu) nielha znachodzicca z paciarpiełym u ahulnaj kvatery ci rasparadžacca sumiesnaj majomaściu.
«Pry chatnim aryšcie nie abaviazkova buduć nakładzieny ŭsie abmiežavańni, moža być tolki častka ź ich», — tłumačyć Hašynski.
Kali raniej čałaviek žyŭ u kvatery razam ź siamjoj, to padčas chatniaha aryštu jon taksama, chutčej za ŭsio, zastaniecca ź imi. Adzinaje — jon musić zabiaśpiečyć mahčymaść dla znachodžańnia tam achovy.
«Z praduktami charčavańnia niekalki varyjantaŭ moža być. Abo dazvalajuć zamović dastaŭku, abo pryvoziać blizkija svajaki, abo čałaviek razam z kanvojem chodzić u kramu. Na chatnim aryšcie mahčymy i špacyr, i vychad na vulicu, i kantakty z kimści — ale tolki z dazvołu śledčaha», — dadaje advakat.
Voś jak chatni aryšt vyhladaje ŭ palitviaźniaŭ. Paŭhoda pad takoj mieraj znachodziŭsia juryst štaba Babaryki Illa Salej. Jon nie moh vychodzić z kvatery, karystacca internetam ci atrymlivać i dasyłać listy. Jamu dazvolili kantaktavać tolki z advakatam (abaronca Illi — jaho baćka), jaki prynosiŭ ježu i zabiraŭ śmiećcie.
Čytajcie taksama: Advakatu Illu Saleju praciahnuli na dva miesiacy chatni aryšt
Pad chatnim aryštam ciapier kulturołah Julija Čarniaŭskaja. Joj taksama zabaronienyja pierapiska i zvanki — usiu infarmacyju dačka Jaŭhienija atrymlivaje praz advakata. Čarniaŭskaja nie maje prava vychodzić na špacyr na vulicu, tamu nachadžvaje patrebnuju kolkaść krokaŭ na łodžyi.
Čytajcie taksama:
Julija Čarniaŭskaja praz advakata raskazała, jak žyvie pad chatnim aryštam
«Malu tych, chto viadzie spravu, dazvolić mamie prahułki». Jaŭhienija Čarniaŭskaja — pra miesiac chatniaha aryštu i los Tut.by
U 2011-m pad chatni aryšt źmiaščali žurnalistku Irynu Chalip. Jana žyła razam z synam, ich naviedvała maci Iryny. U kvatery štodzień dziažuryła pa dva supracoŭniki KDB — časam jany siadzieli ŭ kalidory, časam u pakoi na kanapie. Z dazvolenaha ŭ Chalip pa sutnaści było čytvo i prahlad televizara. Joj zabaraniałasia padychodzić da voknaŭ.
