Andrej Pačobut.
«Ich pabolšała. Andreja Pačobuta staviać na ŭlik jak ekstremista, schilnaha da destruktyŭnych dziejańniaŭ», — napisała jana.
Raniej stała viadoma, što Pačobutu prapanoŭvali vyzvaleńnie ź SIZA naŭzamien na vyjezd u Polšču biez prava viarnucca ŭ Biełaruś. Jon admoviŭsia. Hetaksama zrabiła i staršynia niezarehistravanaha Sajuza palakaŭ Biełarusi Anžalika Borys.
Troch žančyn ź nieaficyjnaha SPB, jakija prachodzili pa tak zvanaj «polskaj spravie», Irenu Biarnackuju, Maryju Ciškoŭskuju i Hannu Panišavu vyvieźli ź SIZA ŭ Polšču.
Paśla hetaha žonka Andreja Pačobuta paviedamiła, što mužu nie pieradali leki dla serca, jakija pryniali ad blizkich u Žodzinskim SIZA. U žurnalista prablemy z sercam, jamu nieabchodny rehularny pryjom lekaŭ.
«Sprava palakaŭ»
10 sakavika siłaviki zaviali kryminalnuju spravu za praviadzieńnie imprezy ŭ polskaj sacyjalnaj škole skaŭtaŭ imia Ramualda Traŭhuta ŭ Bieraści. Tady zatrymali suzasnavalnika škoły, 43-hadovaha bieraściejca, i dyrektarku Hannu Panišavu. Paźniej stała viadoma ab pieratrusach u Lidzie, Vaŭkavysku i zatrymańniach Ireny Biarnackaj i Maryny Ciškoŭskaj.
23 sakavika ŭ Horadni zatrymali Anžaliku Borys, a jašče praz dva dni — Andreja Pačobuta.
Usich aryštavanych u «Polskaj spravie» pravaabaroncy pryznali palityčnymi źniavolenymi. Sankcyja kryminalnaha artykuła praduhledžvaje ad 5 da 12 hadoŭ pazbaŭleńnia voli.
