Julija raspaviadaje, što ŭ kancy maja ŭ hetym mikrarajonie pačalisia raboty pa adnaŭleńni mahistralnaha vodapravoda. Jana miarkuje, što padčas ramontu, mabyć, byli paškodžanyja truby na vulicy Kabuškina, u vyniku čaho ŭžo tydzień u mnohich damach u hetym rajonie z kranaŭ ciače ryžaja vada.
— Niemahčyma ni pamycca, ni pamyć, ni zvaryć ježu, — kaža Julija. — A ŭ mnohich jość dzieci, i adsutnaść čystaj vady dla ich — heta sapraŭdnaje vyprabavańnie.
Sa słoŭ žycharki horada, ab prablemie z vadoj jana paviedamlała ŭ słužbu 115 i ŭ baranavicki «Vodakanał». Mabyć, dziakujučy hetamu 3 červienia na vulicu Kabuškina pryvieźli bočku ź pitnoj vadoj. A voś kali čystaja vada pačnie ciačy z kranaŭ u damach — nieviadoma.
— Pradźmuchvać vodapravod kampresaram buduć tolki ŭ paniadziełak, 7 červienia. Atrymlivajecca, u najbližejšyja vychadnyja vada lepšaj nie stanie, — kaža Julija.
Surazmoŭnica raspaviadaje, što padobnaje nadzvyčajnaje zdareńnie miascovaha maštabu ŭžo zdarałasia ŭ hetym rajonie niekalki hadoŭ tamu, ale tady prablemu chutka vyrašyli, dy i vada była nie takoj brudnaj, jak u hety raz.
— Ciapier z krana ciače vada koleru kańjaku, — kaža Julija. — Užo tydzień my ciarpim heta ŭsio, a adkaznyja słužby zrabić ničoha nie mohuć.
Atrymać apieratyŭny kamientar u KUVP «Vodakanał» h. Baranavičy Intex-press nie ŭdałosia.