Pajšoŭ z žyćcia pieršy pasoł Biełarusi ŭ Litvie Jaŭhien Vajtovič. Pra heta paviedamiła pasolstva Biełarusi na svajoj staroncy ŭ fejsbuku
Fota sa staronki ŭ fejsbuku pasolstva Biełarusi ŭ Litvie
Jaŭhien Kanstancinavič naradziŭsia 29 studzienia 1937 hodzie ŭ v. Laščyny, što ŭ Barysaŭskim rajonie. Kandydat ekanamičnych navuk (1964). U 1975-1983 hadach byŭ dyrektaram «Biełaruśfilma», načalnikam hałoŭnaha ŭpraŭleńnia kinafikacyi i kinaprakatu Dziaržkino SSSR (1983—1988). Ź lipienia 1988 hoda — ministr kultury BSSR.
22 listapada 1993 hoda pryznačany pasłom Biełarusi ŭ Litvie. Pracavaŭ na hetaj pasadzie da kastryčnika 1998 hoda
«Adkazny kiraŭnik, ścipły i ščyry, spahadlivy i pryncypovy čałaviek, Jaŭhien Kanstancinavič karystaŭsia aŭtarytetam i zasłužanaj pavahaj nie tolki ŭ Biełarusi, ale i ŭ zamiežnych partnioraŭ. Z asablivaj simpatyjaj da jaho stavilisia i kalehi i biełaruskaja supolnaść u Litvie», — padkreślivaje pasolstva Biełarusi.
«Hłybokija spačuvańni rodnym i blizkim… Carstva Niabiesnaje i Viečnaja Pamiać Synu Ziamli Biełaruskaj…», — prakamientavaŭ hetuju sumnuju navinu deputat Valeryj Varaniecki.
