Pavodle infarmacyi Süddeutsche Zeitung, u 2012—2014 hadach dackija śpiecsłužby dali amierykanskamu boku dostup na śpiecyjalnuju stancyju, raźmieščanuju kala Kapienhahiena, adkul ažyćciaŭlałasia prasłuchoŭka. Z hetaj stancyi, jak piša hazieta, možna było atrymać dostup da padvodnych kabielaŭ internet-pravajdaraŭ.
Jak piša Euronews, sačeńnie taksama viałosia za Ministerstvam zamiežnych spraŭ i Minfinam Danii, a taksama za kampanijaj z vajenna-pramysłovaha kompleksu.
Dacki ŭrad nie viedaŭ ab supracoŭnictvie svaich śpiecsłužbaŭ z amierykancami da 2015 hoda. Kabinietu ministraŭ dali spravazdaču tolki paśla publikacyj byłoha supracoŭnika ANB Edvarda Snoŭdena: vyśvietliłasia, što Danija dapamahała ZŠA sačyć za palitykami z Hiermanii, Francyi, Narviehii, Niderłandaŭ, Šviecyi. Skandał pryvioŭ da adstaŭki kiraŭnika dackaj śpiecsłužby Forsvarets Efterretningstjeneste Tomasa Arenkila.
Pavodle źviestak niamieckaha telekanała NDR, va ŭradzie FRH zajavili, što nie viedali pra sačeńnie. Pradstaŭnik Mierkiel paviedamiŭ vydańniu, što kanclerka daviedałasia ab sačeńni z materyjałaŭ haziety.
U 2013 hodzie Snoŭden raskryŭ sakretnyja źviestki, jakija paćviardžajuć sačeńnie amierykanskich śpiecsłužbaŭ za viadučymi palitykami i zvyčajnymi ludźmi pa ŭsim śviecie — ANB i CRU pierachoplivali elektronnuju poštu i pieramovy ŭ 60 krainach u ramkach prahramy PRISM. Na supracoŭnictvie z vyviedkaj złavili viadučyja IT-hihanty: Microsoft, Google, Yahoo!, Facebook, Apple i inšyja.
