Pra pasadku samalota

«Mahčyma, chtości razhladaje heta jak prymusovuju pasadku samalota. Viedajecie, ja dumaju, što vielmi mnohija pierabolšvajuć patencyjał biełaruskich śpiecsłužbaŭ, ale kali heta tak, to, jak skazaŭ prezident u pasłańni parłamientu, dobra, što biełaruskija śpiecsłužby majuć taki ŭzrovień. Zatrymańnie hetych dvuch hramadzian adbyłosia ŭžo paśla taho, jak jany prachodzili mytny i pamiežny kantrol na vylet zvarotnaha rejsa ź Minska paśla nadhladu samalota. Tamu tut niama absalutna nijakaj suviazi».

Pra Zachad 

«Piaćsot hadoŭ Zachad dyktavaŭ nam umovy, jak žyć, Što rabić, pa jakich praviłach raźvivacca. Siońnia źjavilisia bujnyja hieapalityčnyja hulcy: Kitaj — adna z najbujniejšych ekanomik śvietu, Indyja aktyŭna raźvivajecca, Rasija źniała ružovyja akulary, jakija ŭ jaje byli ŭ 1990-ja i ŭ pačatku 2000-ch hadoŭ, ustała z kaleniaŭ i realna bačyć, što saboj ujaŭlaje Zachad. Rasija taksama adna ź viadučych suśvietnych dziaržaŭ, pry hetym jadziernych dziaržaŭ. Heta nie padabajecca mnohim na Zachadzie — strata svajho aŭtarytetu. Robiacca dziejańni z tym, kab usio-tki ŭmacavać svoj łahier».

Što mahło b być, kab u 2020-m nie było pratestaŭ

«Byli vidavočnyja namioki na toje, što bližejšyja piać hadoŭ buduć vykarystany dla tak zvanaha tranzitu ułady, jak heta adbyvajecca ŭ niekatorych postsavieckich respublikach».

Ab pratestach

«Dla mianie, ščyra kažučy, niezrazumiełyja dziejańni peŭnaj katehoryi nasielnictva, što atrymała vyhody pry ciapierašniaj uładzie, jakaja dazvalaje adpačyvać na Maldyvach abo na inšych raskošnych kurortach, i pry hetym vychodziła pratestavać suprać hetaha «režymu».

Tak, peŭnyja pamyłki byli, ale heta nie tyja, na moj pohlad, pamyłki, jakija mahli b być, jak ciapier modna kazać, tryhieram dla voś hetych voś nie masavych, a pratestaŭ peŭnaj častki nasielnictva, jakija zdarylisia ŭ žniŭni.

— Dy masavych, uražvali hetyja pratesty.

— Nu ŭražvali. Sorak-piaćdziasiat tysiač. U ahulnaj masie vybarščykaŭ heta nie tak šmat».

Pra sankcyi

«My vielmi surjozna stavimsia da zajaŭ ab tym, što płanujecca čaćviorty pakiet sankcyj suprać šerahu adčuvalnych halin našaj ekanomiki. Budziem reahavać na hetyja rečy, kab nivieliravać sankcyi. Nie mahu zaraz kazać, jakija heta buduć miery, ale ŭ nas jość vialiki vopyt žyćcia pad sankcyjami, my bačym, jak niekatoryja krainy i siońnia žyvuć pad sankcyjami, uziać toj ža samy Iran, uziać ekanamičnuju błakadu Kuby. Nie chaciełasia b, kab abstanoŭka i dalej nahniatałasia, ale my ličym, što ŭ hetaj situacyi treba vystajać».

Pra NATA

«Čamu NATA, vajenny błok, sprabuje zrabić zajavu pa Biełarusi, u pryvatnaści patrabujučy vyzvaleńnia niejkaha absalutna niaznačnaha dla ich błohiera? Kali vajskovy błok umiešvajecca ŭ padobnaha rodu palityčnyja rečy, čaho dalej treba čakać? Što, tanki ŭžo pavinny ŭvachodzić u Biełaruś? Faktyčna sprabujuć hetaj zajavaj padvieści situacyju pad niejkija dziejańni, jakija pahražajuć śvietu. A dalej NATA pavinna budzie adpaviednym čynam reahavać na takoha rodu dziejańni, jakija pahražajuć śvietu. Padaploka zrazumiełaja».

Supiarečlivyja vykazvańni pra suvierenitet

«Praz sankcyi, praz sproby padtrymać apazicyju jany sprabujuć razburyć našu ekanomiku, i heta moža pryvieści da źniščeńnia dziaržaŭnaści krainy».

«Zrazumieła, što dziaržaŭny suvierenitet budzie zachoŭvacca. Bolš za toje, siońnia niemahčyma ŭžo admovicca ad niezaležnaj suvierennaj dziaržavy Biełaruś, tamu što heta ŭkaraniłasia ŭ śviadomaści naroda, i dziaržaŭny suvierenitet hruntujecca na narodnym suvierenitecie. I heta nie tolki biełaruski suvierenitet, i inšych krain. Pry hetym možna i treba znachodzić uzajemaprymalnyja formy dla ŭdziełu ŭ intehracyjnych pracesach».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?