Uviečary 30 krasavika ŭ redakcyju TUT.BY pryjšło adrazu niekalki paviedamleńniaŭ ad čytačoŭ-pasažyraŭ ciahnika 735 Minsk — Brest. Kali koratka, ciahnik staić, čamu — nieviadoma, i kali pajedzie — taksama. U BČ paviedamili, što ciahnik spyniŭsia z-za techničnaj niaspraŭnaści.
«Złamaŭsia «štadler» pa maršrucie Minsk — Brest. Vyjechali ŭ 18.26, paśla prypynku ŭ Kojdanava prajechali paru chvilin i spynilisia ŭ poli ŭ 19.00. Staim hadzinu, ludzi na ŭzvodzie, prybiralni nie pracujuć. Pieryjadyčna adklučajecca elektryčnaść, a načalnik ciahnika paviedamiŭ: «Ciahnik spynieny pa techničnych pryčynach, pra čas adpraŭleńnia paviedamim paźniej». Vadu i ježu (dva maleńkija košyki) raskupili za chvilinu, ciapier čakajem», — napisaŭ adzin z pasažyraŭ.
«Šviejcarka» vyjechała ź Minska ŭ 18.26 i staić kala Kojdanava. A ŭžo pavinna być u Baranavičach. Moža, u kursie, čamu ciahnik nie jedzie?» — spytaŭ inšy.
«Ciahnik spyniaŭsia z-za techničnaj niaspraŭnaści. Čas zatrymki składzie kala troch hadzin. Prynosim pasažyram prabačeńni za niazručnaści», — paviedamili ŭ BČ.
Ciahnik Minsk — Brest z adpraŭleńniem u 18.26 pavinien byŭ prybyć u Brest u 22.02. Miarkujučy pa ahučanym časie zatrymki, jon prybudzie na stancyju «Brest-Centralny» kala hadziny nočy.
