Čarhovaja kamunalnaja avaryja ŭ Minsku: na vulicy Ubareviča prarvała truby.
Praz heta ŭ Sierabrancy, Čyžoŭcy, Łošycy, Kurasoŭščynie i inšych rajonach niama vady.
Pa słovach žycharoŭ Čyžoŭki, z-pad ziamli bje fantan vady.
U Minskvodakanale paviedamlajuć, što vodazabieśpiačeńnie parušana ŭ Kastryčnickim, Leninskim i Zavodskim rajonach z-za paškodžańnia bujnoha vodapravodnaha trubapravoda dyjamietram 1000 mm u rajonie adnoj z budplacovak. Na miescy pracujuć avaryjnyja bryhady, kab łakalizavać paškodžańnie. Čakajecca, što heta adbudziecca da 22:40, paśla čaho vodazabieśpiačeńnie pačnuć adnaŭlać — na heta spatrebicca niejki čas.
Taksama śpiecyjalisty ŭdakładnili, što ŭ paciarpiełyja rajony nakirujuć aŭtacysterny ź pitnoj vadoj.
Mierkavanaje nastupstva avaryi — časovaje paharšeńnie jakaści vady ŭ troch rajonach stalicy.
