Tut.by
«Davajcie pastavim Michał Michałyča (Zacharava) u niaprostaje stanovišča. Viedajučy ambicyi hałoŭnaha treniera zbornaj, viedajučy toje, jak jon zaŭsiody aryjentavany na vynik, zadača budzie stajać samaja maksimalnaja, jakuju tolki budzie mahčyma pastavić pierad nacyjanalnaj zbornaj. Dumaju, što sam Michaił Michajłavič stavić takija zadačy pierad saboj. A my budziem tolki spryjać hetamu. Zadavalniać usie jaho prośby i patreby dla taho, kab zbornaja jak maha maksimalna efiektyŭna padrychtavałasia da majučaha adbycca čempijanatu śvietu. Upeŭnieny, što sioleta Zbornaja pakaža hodny vynik», — skazaŭ Baskaŭ u efiry «Biełaruś 5».
Raniej forvard zbornaj Biełarusi Siarhiej Kaścicyn pieradaŭ słovy hałoŭnaha treniera Michaiła Zacharava ab tym, što zbornaja «jedzie na čempijanat śvietu pa miedali».
***
ČS-2021 projdzie ŭ Łatvii z 21 maja pa 6 červienia. Biełaruskaja častka ŭ studzieni była pieraniesiena ź Minska.
Zbornaja Biełarusi budzie hulać u adnoj hrupie z Rasijaj, Šviecyjaj, Šviejcaryjaj, Čechijaj, Słavakijaj, Danijaj, Vialikabrytanijaj.
Try hady tamu, na ČS u Danii, Biełaruś zaniała apošniaje miesca ŭ hrupie, prajhraŭšy ŭsie siem matčaŭ, i pakinuła vyšejšy dyvizijon. U 2019-m na ČS u pieršym dyvizijonie ŭ Kazachstanie jana viarnuła sabie miesca ŭ elicie. Hod tamu ŭ Šviejcaryi čempijanat śvietu byŭ admienieny z-za karanavirusa.
