Pres-słužba MUS
DTZ zdaryłasia siońnia ranicaj na 3-m km aŭtadarohi Asipovičy — Darahanava: VAZ-2121 (za rulom byŭ 55-hadovy mužčyna) vyjechaŭ na sustrečnuju pałasu i sutyknuŭsia z aŭtobusam «PAZ», paviedamlaje pres-słužba MUS.
U vyniku avaryi 51-hadovy pasažyr aŭtamabila (znachodziŭsia na piarednim siadzieńni) pamior, jašče dva pasažyry i kiroŭca špitalizavanyja. Z sałona ich supracoŭniki MNS debłakavali.
Kiroŭca i čaćviora darosłyja pasažyry aŭtobusa nie paciarpieli. Paśla ahladu miedykami ich žyćciu i zdaroŭju ničoha nie pahražaje. Viadoma, što aŭtobus jechaŭ pa maršrucie pa dziaciej.
Pavodle papiaredniaj infarmacyi, kiroŭca «Nivy» nie spraviŭsia z kiravańniem u rajonie niebiaśpiečnaha pavarotu: na sustrečku jon vyjechaŭ u rajonie dziejańnia znakaŭ «niebiaśpiečnyja pavaroty» i «avaryjna-niebiaśpiečny ŭčastak». Bolš za toje, druhi znak infarmavaŭ ab mahčymym pierakulvańni.
