«Ja vielmi radaja, što Uładzimir Volfavič znajšoŭ čas pryjści pahutaryć pra biełaruska-rasijskija adnosiny», — skazała Karač. Jana zaŭvažyła, što Žyrynoŭski — adziny z «rasijskich palitykaŭ takoha ŭzroŭniu» pryjšoŭ 10 žniŭnia da biełaruskaha pasolstva ŭ Maskvie. «My heta zaŭvažyli, my heta zapomnili», — skazała Karač.
«Ja liču tolki ŭvachodžańnie Biełarusi ŭ skład Rasii šaściu hubierniami, tady ŭsio budzie vyrašana. Usie pytańni kultury, movy zachoŭvajucca. Ekanomika budzie šalona raźvivacca, ceny buduć unutranyja rasijskija, usie pytańni Biełarusi buduć vyrašanyja. Kali praciahvać siadzieć na dvuch kresłach, to heta doŭha nie pratrymajecca. Ty jasi chleb ruski, pješ naftu i haz ruskija, a nidzie z nami nie prajaviŭ salidarnaść», — skazaŭ Žyrynoŭski.
Volha Karač navat nie pasprabavała ničoha adkazać na słovy lidara ŁDPR pra dałučeńnie da Rasii. Jaje ž cikaviła, jak doŭha jašče Kreml budzie padtrymlivać Łukašenku.
Volha Karač — kiraŭnica kampanii «Naš dom», rodam ź Viciebska. Žyvie ŭ emihracyi ŭ Vilni. Ličyć siabie adnym ź lidaraŭ apazicyi, viadzie papularny jutub-kanał.
Čytajcie. «Možna atrymlivać hrošy pad baraćbu za pravy transhiendaraŭ, možna — suprać ich». Volha Karač — pra žyćcio ŭ Vilni, chvaroby i dachody
