U akcyi biare ŭdzieł kala sotni čałaviek, u tym liku vałanciory i žurnalisty.
Na akcyju pryjšli, u pryvatnaści, kiraŭnik partyi «Jabłyk» Mikałaj Rybakoŭ, deputat Mashardumy Jaŭhien Bunimovič i kiraŭnik partyi «Parnas» Michaił Kaśjanaŭ. Raniej kvietki da miesca hibieli Niamcova ŭskłali pasły ZŠA, Vialikabrytanii i Łatvii.
Taksama akcyi pamiaci palityka prajšli ŭ Novasibirsku i Irkucku. U Pieciarburhu akcyja była zapłanavanaja na Trajeckaj płoščy, ale jaje ačapili siłaviki; žychary horada niasuć kvietki i fatahrafii palityka da Sałavieckaha kamienia, paviedamlaje meduza.io.
Apošnija niekalki hadoŭ u Maskvie štohod prachodzili maršy pamiaci Barysa Niamcova — pieršy ź ich adbyŭsia praź niekalki dzion paśla zabojstva palityka. U 2021 hodzie z-za pandemii karanavirusa arhanizatary admovilisia ad maršu, paprasiŭšy meryju nie pieraškadžać uskładańniu kvietak.
