Ściapan Puciła
«Z hetaj krainaj u nas zaklučany mižnarodny dahavor ab pravavoj dapamozie pa kryminalnych spravach, jaki taksama rehłamientuje pytańnie ab ekstradycyi», — skazaŭ načalnik mižnarodna-pravavoha adździeła Śledčaha kamiteta Michaił Vavuła.
«Ja chacieŭ by danieści nastupnuju dumku: prymajučy rašeńnie źbiehčy, złačyniec zaŭsiody ličyć, što takim čynam možna paźbiehnuć pakarańnia. Adnak naša praktyka pakazvaje, što pakarańnia paźbiehnuć nie atrymajecca, dzie b ni chavalisia i kudy b ni biehli pravaparušalniki», — cytuje słovy Vavuły telehram-kanał SK sa spasyłkaj na sb.by.
Raniej upraŭleńnie SK pa Minsku vyniesła pastanovy ab pryciahnieńni ŭ jakaści abvinavačanych Ściapana Puciły i Ramana Pratasieviča, jakija rabili pryznany ekstremisckim telehram-kanał pa artykułach KK: 293 (Arhanizacyja masavych biesparadkaŭ) i 342 (Arhanizacyja hrupavych dziejańniaŭ, jakija hruba parušajuć hramadski paradak).
Taksama ŭ dačynieńni da ich raspačata kryminalnaja sprava pa č. 3 art. 130 Kryminalnaha kodeksa ŭ suviazi sa ździajśnieńniem naŭmysnych dziejańniaŭ, nakiravanych na raspalvańnie sacyjalnaj varožaści pa prykmiecie prafiesijnaj prynaležnaści.
Ciapier Ściapan Puciła i Raman Pratasievič znachodziacca ŭ miždziaržaŭnym vyšuku.
