Fota Depositphotos.com
U liście Nobieleŭskamu kamitetu amierykanskija zakanadaŭcy zajavili, što bolš za 2 miljony čałaviek vyjšli na vulicu 16 červienia 2019 hoda ŭ adkaz na represii z boku Piekina, piša The Guardian.
«My spadziajomsia, što Nobieleŭski kamitet adznačyć tych, chto zmahajecca za mir i pravy čałavieka ŭ Kitai, i my ličym, što demakratyčny ruch u Hankonhu zasłuhoŭvaje mižnarodnaha pryznańnia», — śćviardžajecca ŭ liście.
Z červienia 2019 hoda ŭ Hankonhu pačalisia pratesty suprać zakona ab ekstradycyi złačyncaŭ na terytoryju Kitaja. Ułady Hankonha admianili pryniaćcie zakona, ale demanstranty pašyryli svaje patrabavańni i pačali zaklikać da reform i rasśledavańnia dziejańniaŭ palicyi suprać demanstrantaŭ.
Siarod inšych naminantaŭ na Nobieleŭskuju premiju sioleta — simvał mirnaha ruchu za hramadzianskija pravy biełarusaŭ Śviatłana Cichanoŭskaja, a taksama amierykanski ruch Black Lives Matter.