Ministr zamiežnych spraŭ Ukrainy Dźmitryj Kuleba razam ź litoŭskim kaleham Habryelijusam Łandśbierhisam i polskim kaleham Źbihnievam Rau praviaduć 29 studzienia ŭ anłajn-farmacie pieršaje pasiadžeńnie Lublinskaha trochkutnika, na jakoje taksama zaprošanaja Śviatłana Cichanoŭskaja. Pra heta paviedamlaje pres-słužba MZS Ukrainy.
«Kiraŭniki zamiežnapalityčnych viedamstvaŭ abmiarkujuć sumiesnyja kroki dla procidziejańnia vyklikam i pahrozam u Centralnaj Jeŭropie, paznačać pryjarytetnyja kirunki supracoŭnictva Lublinskaha trochkutnika ŭ 2021 hodzie. U častcy abmierkavańnia situacyi ŭ Biełarusi ź inicyjatyvy ŭkrainskaha boku ŭ pasiadžeńni voźmie ŭdzieł zaprošanaja hościa — lidarka biełaruskaj apazicyi Śviatłana Cichanoŭskaja», — havorycca ŭ paviedamleńni.
«Heta pieršy aficyjny kantakt Śviatłany Cichanoŭskaj z ukrainskim uradam, — adznačaje jaje daradca pa zamiežnapalityčnych pytańniach Franak Viačorka. —
Ukraina doŭha paźbiahała kantaktu z Kaardynacyjnaj radaj i Cichanoŭskaj. Hučali hałasy ab prarasijskaj pryrodzie biełaruskich pratestaŭ. Cichanoŭskaja vystupić ź vitalnym słovam i paŭdzielničaje ŭ dyskusii pra situacyju ŭ rehijonie i supracu z susiedziami, u pieršuju čarhu z Ukrainaj».
Jak paviedamlałasia, Lublinski trochkutnik u lipieni 2020 hoda padčas naviedvańnia polskaha horada Lublin raspačali kiraŭniki MZS Ukrainy, Polščy i Litvy Dźmitryj Kuleba, Jacek Čaputovič i Linas Linkiavičus.
