Abodva vypadki adbylisia 16 studzienia. Uviečary na aŭtazapraŭcy da narada Departamienta achovy MUS padbiehła 18-hadovaja navučenka kaledža i paviedamiła ab napadzie. Na Varšaŭskaj šašy nieviadomy zakryŭ joj dałońniu rot i pačaŭ źbivać. U niejki momant dziaŭčynie ŭdałosia vyrvacca i ŭciačy ad nieznajomca.
Milicyjaniery zatrymali padazravanaha. Im akazaŭsia 33-hadovy žychar Bresta, jaki chavaŭsia za instalacyjaj kala darohi. Vyśvietliłasia, što mužčyna datyčny da jašče adnaho napadu, jaki adbyŭsia niezadoŭha da incydentu z navučenkaj kaledža. Na vulicy Salnikava jon paraniŭ nažom u šyju 16-hadovuju školnicu i adabraŭ u jaje sumku z kaśmietykaj. Lekary akazali dziaŭčyncy miedycynskuju dapamohu i špitalizavali jaje.
Śledčyja raspačali kryminalnyja spravy za razboj i chulihanstva. Zaraz fihurant znachodzicca ŭ IČU.
