Fota z sacyjalnych sietak
U Homieli zatrymany pravaabaronca, staršynia homielskaj filii pazbaŭlenaha rehistracyi centra «Viasna» Leanid Sudalenka.
Pra heta paviedamiŭ aktyvist Vasil Palakoŭ.
Ciapier Sudalenka znachodzicca ŭ Śledčym kamitecie.
6 studzienia ŭ hramadska-palityčnym centry na vuł. Paleskaj, 52, dzie znachodzicca ŭ tym liku i ofis pravaabaroncaŭ, prajšoŭ pieratrus, jaki ciahnuŭsia bolš za 9,5 hadziny. Uvieś hety čas u ofisie znachodziŭsia Leanid Sudalenka. Paśla vobšuku jaho dastavili va UBAZ, zatym adpuścili. Taksama vobšuk praviali ŭ jaho domie.
Aficyjna vobšuki prachodzili ŭ miežach kryminalnaj spravy, jakaja była zaviedziena suprać aktyvista Uładzimira Niapomniaščych za nibyta pahrozu prakuroru (art. 366 KK RB).
0
0
0
0
0
0
