«My ŭžo razasłali jaho [zapis] u Kanhres ZŠA, ABSIE, Radu Jeŭropy i inšym našym mižnarodnym partnioram. My ŭžo zaklikali ES pryznać HUBAZiK i AMAP terarystyčnymi arhanizacyjami. Karpiankoŭ užo staŭ padazravanym u kryminalnaj spravie pa ŭniviersalnaj jurysdykcyi, što pahražaje jamu mižnarodnym vyšukam. Jon užo ŭ sankcyjnych śpisach bałtyjskich krain. My nie damo śvietu zabycca ab tym, što adbyvajecca ŭ Biełarusi niepasredna ciapier. <…>
Łukašenka rychtujecca da sychodu. Jon viedaje, što ź im Biełaruś pieratvorycca ŭ krainu-izhoja. Jon viedaje, što prajhraŭ. Pytańnie tolki ŭ tym, što jon pakinie paśla siabie. I ciapier ja chaču zadać pytańnie kožnamu čałavieku la ekrana, usim, chto hladzić heta videa. Usio roŭna za kaho vy hałasavali i jakich pohladaŭ prytrymlivajeciesia. Usio roŭna, jaki ściah i hierb vam padabajecca. Ja chaču zadać pytańnie kožnamu biełarusu. Što my zasłužyli: krainu dla žyćcia abo kancłahier?» — zajaviła palityk.
